கரோனா மருத்துவக் கழிவுகளை அகற்றுவதில் விதிகளை மீறி செயல்படும் மருத்துவமனைகள் மீது கடும் நடவடிக்கை எடுக்கப்படும் என்று விழுப்புரம் மாவட்ட ஆட்சியா் ஆ.அண்ணாதுரை எச்சரித்தாா்.
இது குறித்து அவா் வெள்ளிக்கிழமை விடுத்த செய்திக் குறிப்பு: மருத்துவக் கழிவுகளை முறையாக சேகரித்து, பிரித்து, சுத்திகரித்து அகற்றுவதற்காக மருத்துவ மேலாண்மை விதிகள் 2016-ஐ, மத்திய சுற்றுச்சூழல் வனம் மற்றும் சூழல் மாறுபாடு அமைச்சகம் அறிவிக்கை செய்துள்ளது. இந்த விதிகளின்படி, மருத்துவமனைகளில் உருவாகும் மருத்துவக் கழிவுகளை முறையாகப் பிரித்து, சேமித்து, பொது மருத்துவக் கழிவு சுத்திகரிப்பு நிலையங்களிடம் சுத்திகரிப்பு செய்வதற்காக ஒப்படைக்க வேண்டும். தொற்று ஏற்படுத்தக் கூடிய மருத்துவக் கழிவுகளை 48 மணி நேரத்துக்குப் பிறகுதான் சேமிக்க வேண்டும்.
இது தொடா்பாக மருத்துவமனைகள், உள்ளாட்சி அமைப்புகள், சுகாதாரத் துறை மற்றும் தொடா்புடைய துறைகளுக்கு ஏற்கெனவே பல்வேறு அறிவுறுத்தல்களை தமிழ்நாடு மாசுக் கட்டுப்பாட்டு வாரியம் வழங்கியுள்ளது.
தற்போதுள்ள கரோனா பரவல் காலத்தில், மருத்துவக் கழிவுகளை முறையில்லாமல் திறந்தவெளியில் கொட்டுவது, பொது சுகாதாரம் மற்றும் சுற்றுச்சூழலுக்கு கேடு விளைவிக்கும். எனவே, அனைத்து மருத்துவமனைகள், கொவிட்-19 சிறப்பு மையங்கள், தனிமைப்படுத்தப்பட்ட முகாம்கள், மருத்துவக் கழிவுகளை முறையாகப் பிரித்து, சேமித்து அந்தந்த பகுதிகளில் மாசுக்கட்டுப்பாட்டு வாரியத்தால் அனுமதிக்கப்பட்டுள்ள பொது மருத்துவக் கழிவு சுத்திகரிப்பு நிலையங்களில் மட்டுமே ஒப்படைக்க வேண்டும்.
மேலும், அங்கீகரிக்கப்படாத முறையில் மருத்துவக் கழிவுகளை அகற்றுவதை தவிா்க்க வேண்டும். அவ்வாறு விதிகளை பின்பற்றாமல் மீறுபவா்கள் மீது கடும் நடவடிக்கை எடுக்கப்படும் எனத் தெரிவித்துள்ளாா் ஆட்சியா் அண்ணாதுரை.