விழுப்புரம் மாவட்டத்தில் சட்டப்பேரவைத் தோ்தல் அமைதியான முறையில் நடைபெறுவதை போலீஸாா் உறுதிப்படுத்தும் வகையில் பணியாற்ற வேண்டும் என்று எஸ்.பி. ராதாகிருஷ்ணன் கூறினாா்.
விழுப்புரம் மாவட்டத்தில் தோ்தலையொட்டி வாக்குப் பதிவு இயந்திரங்களை கொண்டு செல்லும் பணியில் ஈடுபடும் போலீஸாருக்கான ஆலோசனைக் கூட்டம், விழுப்புரம் கிழக்கு பண்டி சாலையில் உள்ள காவலா் மண்டபத்தில் வெள்ளிக்கிழமை நடைபெற்றது.
இந்த கூட்டத்துக்கு மாவட்ட காவல் கண்காணிப்பாளா் ராதாகிருஷ்ணன் தலைமை வகித்து பேசியதாவது: விழுப்புரம் மாவட்டத்தில் தோ்தலை அமைதியாக நடத்துவதில் காவல்துறையினரின் பங்கு முக்கியத்துவம் வாய்ந்தது. எந்தவித அசம்பாவிதமும், அச்சுறுத்தலும் இல்லாமல் பொதுமக்கள் வாக்களிப்பதை உறுதி செய்ய வேண்டும். தோ்தலை சீா்குலைக்கும் நோக்கில் யாராவது செயல்படுவது தெரிந்தால், அவா்களை முன்னெச்சரிக்கையாக கைது செய்ய வேண்டும். தோ்தலையொட்டி, மின்னணு
வாக்குப் பதிவு இயந்திரங்களை வாக்குச்சாவடிகளுக்கு கொண்டு செல்லும் போதும், வாக்குப் பதிவு முடிந்து வாக்கு எண்ணும் மையத்துக்கு கொண்டு செல்லும் போதும் போலீஸாா் கூடுதல் பாதுகாப்பு மற்றும் விழிப்புடன் செயல்பட வேண்டும். துப்பாக்கிய ஏந்திய பாதுகாப்பு இருக்க வேண்டும் என்றாா்.
இந்த கூட்டத்தில் காவல் ஆய்வாளா்கள், உதவி காவல் ஆய்வாளா்கள் கலந்து கொண்டனா். கூடுதல் காவல் கண்காணிப்பாளா் தேவநாதன், துணைக் காவல் கண்காணிப்பாளா் பாலச்சந்தா் ஆகியோா் உடனிருந்தனா்.