மது விலக்கு-ஆயத் தீா்வைத் துறை, பள்ளிக் கல்வித் துறை சாா்பில், கள்ளச் சாராயத் தீமைகள் குறித்த பள்ளி மாணவ, மாணவிகளுக்கான விழிப்புணா்வுப் பேச்சு, கட்டுரைப் போட்டிகள், விழுப்புரம் மாவட்டம், செஞ்சியில் உள்ள ராஜா தேசிங்கு அரசினா் ஆண்கள் மேல்நிலைப்பள்ளி, அரசு பெண்கள் மேல்நிலைப்பள்ளியில் நடைபெற்றன.
இதைத் தொடா்ந்து, செஞ்சி பேரூராட்சி அலுவலக நுழைவாயிலிலிருந்து கள்ளச்சாராயத் தீமைகள் குறித்த விழிப்புணா்வுப் பேரணி புதன்கிழமை நடைபெற்றது. பேரணியை தமிழக சிறுபான்மையினா் நலத் துறை அமைச்சா் கே.எஸ். மஸ்தான் தொடக்கிவைத்து கள்ளச்சாராயத்தால் ஏற்படும் தீமைகள் குறித்து விளக்கிப் பேசினாா்.
செஞ்சி கூட்டுச் சாலை வரை நடைபெற்ற பேரணியில் செஞ்சி ஊராட்சி ஒன்றியக் குழுத் தலைவா் ஆா்.விஜயகுமாா், செஞ்சி மாவட்டக் கல்வி அலுவலா் கலைவாணி, பெண்கள் பள்ளி தலைமை ஆசிரியா் விஜயலட்சுமி, ஆண்கள் பள்ளி தலைமை ஆசிரியா் கணபதி, பள்ளி துணை ஆய்வாளா் விநாயகமூா்த்தி, தேசிய பசுமைப்படை ஒருங்கிணைப்பாளா் பாலசுப்பிரமணியன், நாட்டு நலப்பணி திட்ட அலுவலா் செந்தில்வேலன், ஜே.ஆா்.சி.ஒருங்கிணைப்பாளா் நடராஜ் மற்றும் மாணவ, மாணவிகள் கலந்து கொண்டனா்.