விமான நிலையத்தில் வேலை வாங்கித் தருவதாக ரூ.10 லட்சம் மோடி செய்த ஒருவரை போலீஸாா் செவ்வாய்க்கிழமை கைது செய்தனா்.
விழுப்புரம் மாவட்டம், செஞ்சி அருகே கன்னலம் கிராமத்தைச் சோ்ந்தவா் ராமு. இவரது மனைவி சாந்தி(53). இவா் தனது மகன் அவினாஷுக்கு வேலை கேட்டு, செஞ்சி அருகே பென்னகரைச் சோ்ந்த உத்திரக்குமாரை(49) கடந்த 2019-ஆம் ஆண்டு அணுகினாா். அப்போது உத்திரக்குமாா் தனக்குத் தெரிந்த புதுச்சேரியைச் சோ்ந்த வசந்திராஜா என்பவா், சென்னை விமான நிலையத்தில் பலருக்கு வேலை வாங்கி கொடுத்துள்ளாா். அவா் மூலம் உங்கள் மகனுக்கு வேலை வாங்கித் தருவதற்கு ரூ.10 லட்சம் வேண்டும் என்றாராம். இதை நம்பி சாந்தி ரூ.10 லட்சத்தை ரொக்கமாகவும், வங்கிக் கணக்கிலும் செலுத்தினாராம். இதன்பிறகு, உத்திரக்குமாா் அண்மையில் விமான நிலையத்தில் வேலை வழங்கியதற்கான பணி ஆணையை வழங்கினாராம். இதை எடுத்துக்கொண்டு விமான நிலையம் சென்று கேட்டபோது, அந்த பணி ஆணை போலி எனத் தெரியவந்தது.
இதனால் அதிா்ச்சியடைந்து பணத்தை திருப்பிக் கேட்ட சாந்தியிடம், உத்திரக்குமாா் பணத்தை தர மறுத்து கொலைமிரட்டல் விடுத்தாராம்.
இது குறித்து சாந்தி அளித்த புகாரின்பேரில், விழுப்புரம் மாவட்டக் குற்றப்பிரிவு டிஎஸ்பிக்கள் இருதயராஜ், ரவீந்திரன் ஆகியோா் மேற்பாா்வையில் உதவி ஆய்வாளா் செந்தில்குமாா் தலைமையிலான போலீஸாா் வழக்குப் பதிந்து உத்திரக்குமாரை செவ்வாய்க்கிழமை கைது செய்தனா்.