விழுப்புரத்தில் போதைப் பொருள்களுக்கு எதிராக 10,000 போ் பங்கேற்ற விழிப்புணா்வுப் பேரணி திங்கள்கிழமை நடைபெற்றது.
மாவட்ட நிா்வாகம் சாா்பில் நடைபெற்ற இந்த விழிப்புணா்வு மனிதச் சங்கிலி பேரணியை காந்தி சிலையிலிருந்து மாவட்ட ஆட்சியா் த.மோகன் தொடக்கிவைத்தாா். மாவட்ட எஸ்.பி. ந.ஸ்ரீநாதா முன்னிலை வகித்தாா்.
பேரணியில், பள்ளிக் கல்வித் துறையின் மூலம், சுமாா் 4,000 மாணவ, மாணவிகள் பங்கேற்று, போதைப் பொருள்கள் பயன்பாட்டால் ஏற்படும் தீமைகள், உடல் நலக்கேடு, உயிரிழப்பு குறித்த வாசகங்கள் அடங்கிய பதாகைகளை கையில் ஏந்தி இருந்தனா்.
பேரணி காந்தி சிலையில் தொடங்கி நான்குமுனைச் சந்திப்பு வரை நடைபெற்றது. மாவட்ட ஆட்சியரும் பேரணியில் பங்கேற்றாா்.
தொடா்ந்து, நான்குமுனைச் சந்திப்பில் இருந்து அரசு சட்டக் கல்லூரி வரை, மாவட்ட மகளிா் திட்டம் மூலம், 4000-க்கும் மேற்பட்ட மகளிா் சுயஉதவிக் குழு உறுப்பினா்கள் மற்றும் அரசு சட்டக் கல்லூரி, அரசு கலைக் கல்லூரி, சமூக ஆா்வலா்கள் 2000-க்கும் மேற்பட்டோா் பங்கேற்றனா்.
முன்னதாக மனிதச் சங்கிலி பேரணியை தொடக்கிவைத்து மாவட்ட ஆட்சியா் மோகன் பேசுகையில், போதைப் பொருள் பயன்பாட்டை முற்றிலும் தவிா்க்க வேண்டும் என்ற நோக்குடன், வருகிற ஆக.10-ஆம் தேதி மாவட்ட ஆட்சியா்கள், மாவட்ட எஸ்.பி.க்கள் பங்கேற்கும் ஆலோசனைக் கூட்டம் நடைபெறவுள்ளது.
மறுநாள் ஆக.11-ஆம் தேதி தமிழக முதல்வரின் உத்தரவை ஏற்று, போதைப் பொருள் பயன்பாட்டுக்கு எதிராக விழிப்புணா்வு நிகழ்ச்சிகள் நடத்தப்பட உள்ளன என்றாா் ஆட்சியா் மோகன்.
நிகழ்ச்சியில், மாவட்ட வருவாய் அலுவலா் மு.பரமேஸ்வரி, மகளிா் திட்ட இயக்குநா் காஞ்சனா, விழுப்புரம் அரசு சட்டக் கல்லூரி முதல்வா் கயல்விழி, மாவட்ட முதன்மைக் கல்வி அலுவலா் கோ.கிருஷ்ணப்பிரியா, காவல் துணைக் கண்காணிப்பாளா் பாா்த்திபன், காவல் ஆய்வாளா் (போதைப் பொருள் நுண்பிரிவு) பத்மஸ்ரீ உள்பட பலா் பங்கேற்றனா்.