அண்ணா சிலை அவமதிப்பு வழக்கு:3 இளைஞா்கள் கைது

விழுப்புரம் அருகே அண்ணா சிலைக்கு அவமதிப்பு செய்யப்பட்ட வழக்கில் 3 இளைஞா்களை போலீஸாா் செவ்வாய்க்கிழமை கைது செய்தனா்.

விழுப்புரம் அருகே அண்ணா சிலைக்கு அவமதிப்பு செய்யப்பட்ட வழக்கில் 3 இளைஞா்களை போலீஸாா் செவ்வாய்க்கிழமை கைது செய்தனா்.

விழுப்புரம் அருகே கண்டமங்கலம் பகுதியில் விழுப்புரம் - புதுச்சேரி நெடுஞ்சாலையில் முன்னாள் முதல்வா் அண்ணாவின் முழு உருவச் சிலை உள்ளது. ஞாயிற்றுக்கிழமை நள்ளிரவு மா்ம நபா்கள் சிலா் இந்தச் சிலைக்கு அவமதிப்பு செய்ததுடன், இந்தச் சிலையில் ஆ.ராசா எம்.பி. படத்தையும் அவமதிப்பு செய்து மாட்டி வைத்தனா்.

இது தொடா்பாக கண்டமங்கலம் போலீஸாா் வழக்குப் பதிவு செய்து விசாரணை நடத்தினா். இதில், மதுபோதையில் கண்டமங்கலத்தைச் சோ்ந்த வேணு மகன் வீரமணி (28),

சடையப்பன் மகன் அப்பு (22), கண்டமங்கலம் அருகே உள்ள நாவம்மாள் மருதூரைச் சோ்ந்த அருணாசலம் மகன் ஆகாஷ் (21) மற்றும் இவா்களது நண்பா்கள் இருவா் சோ்ந்து அண்ணா சிலையையும், ஆ.ராசா எம்.பி. படத்தையும் அவமதிப்பு செய்தது தெரியவந்தது.

இதையடுத்து, வீரமணி, அப்பு, ஆகாஷ் ஆகியோரை போலீஸாா் செவ்வாய்க்கிழமை கைது செய்தனா். தலைமறைவாக உள்ள மேலும் இருவரை போலீஸாா் தேடி வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com