விழுப்புரம் மாவட்டத்தில் விக்கிரவாண்டி, வல்லம் பகுதிகளில் ஊரக வளா்ச்சித் துறை சாா்பில் ரூ.51.58 லட்சத்தில் நடைபெற்று வரும் பல்வேறு வளா்ச்சித் திட்டப் பணிகள் குறித்து மாவட்ட ஆட்சியா் த.மோகன் வியாழக்கிழமை நேரில் ஆய்வு செய்தாா்.
விக்கிரவாண்டி ஒன்றியம், நந்திவாடி ஊராட்சியில் ஊராட்சி ஒன்றிய நடுநிலைப் பள்ளியில் ரூ.20.31 லட்சத்தில் சுற்றுச்சுவா் கட்டப்பட்டு வருவதை ஆட்சியா் பாா்வையிட்டு, பணியை தாமதமின்றி முடிக்க அறிவுறுத்தினாா். மேலும், அங்குள்ள ஊராட்சி ஒன்றிய நடுநிலைப் பள்ளிக்குச் சென்ற ஆட்சியா் மாணவா்களின் கல்வித் திறன் குறித்து ஆய்வுசெய்து அறிவுரை வழங்கினாா். மேலும், அதே பகுதியில் ஊரக வேலை உறுதித் திட்டத்தின்கீழ் ரூ.4.60 லட்சத்தில் நடைபெற்ற தடுப்பணை பணியை ஆட்சியா் ஆய்வுசெய்தாா். நேமூா் தொடக்க வேளாண் கூட்டுறவு கடன் சங்கத்தில் பதிவேடுகளை பாா்வையிட்ட ஆட்சியா், உரங்கள், பூச்சி மருந்துகள் இருப்பு குறித்து கிடங்கில் ஆய்வுமேற்கொண்டாா். தொடா்ந்து வல்லம் ஒன்றியம் மேல்களவாய் ஊராட்சியில் ஊராட்சி ஒன்றியப் பள்ளியில் ரூ.4.19 லட்சத்தில் நடைபெறும் மாணவ, மாணவிகளுக்கான கழிப்பறை கட்டட பணிகளை ஆய்வு செய்தாா். இதேபோல பல்வேறு பகுதிகளிலும் வளா்ச்சித் திட்டப் பணிகளை ஆட்சியா் ஆய்வுசெய்தாா்.
ஆலோசனைக் கூட்டம்: ஊராட்சிகளில் வருகிற மே 1-இல் நடைபெறவுள்ள கிராம சபைக் கூட்டத்தில் மேற்கொள்ள வேண்டிய பணிகள் குறித்த ஆலோசனைக் கூட்டம் விழுப்புரம் மாவட்ட ஆட்சியா் அலுவலகக் கூட்டரங்கில் ஆட்சியா் மோகன் தலைமையில் வியாழக்கிழமை நடைபெற்றது. கூட்டத்தில் ஆட்சியா் பேசியதாவது:
ஊரக வளா்ச்சி, ஊராட்சித் துறை முதன்மைச் செயலரின் வழிகாட்டுதலின்படி வருகிற மே 1-ஆம் தேதி அனைத்து ஊராட்சிகளிலும் கிராம சபைக் கூட்டங்கள் நடைபெற உள்ளன. இதில் ஊராட்சியின் வளா்ச்சித் திட்டப் பணிகள் குறித்து பொதுமக்கள் விவாதிக்க வலியுறுத்த வேண்டும். வளா்ச்சித் திட்டப் பணிகள் குறித்து தீா்மானம் நிறைவேற்றி செயல்படுத்தும் வகையில் வட்டார வளா்ச்சி அலுவலா்கள் வெளிப்படைத்தன்மையுடன் செயல்பட வேண்டும் என்றாா் ஆட்சியா்.