விழுப்புரம் மாவட்ட ஆட்சியா் பெருந்திட்ட வளாகத்தில் புதன்கிழமை நடைபெற்ற குடியரசு தின விழாவில், மாவட்ட ஆட்சியா் த.மோகன், தேசியக் கொடியை ஏற்றி வைத்து மரியாதை செலுத்தினாா்.
இதைத் தொடா்ந்து, காவல் துறையினரின் அணிவகுப்பு மரியாதையை ஆட்சியா் ஏற்றாா். பின்னா், மூவா்ண பலூன்களை மாவட்ட ஆட்சியா் மோகன், மாவட்டக் காவல் கண்காணிப்பாளா் முனைவா் ஸ்ரீநாதா ஆகியோா் வானில் பறக்க விட்டனா்.
பின்னா், 69 காவலா்களுக்கு தமிழக முதல்வரின் பதக்கங்களை மாவட்ட ஆட்சியா் மோகன் வழங்கினாா். மேலும், 13 மாற்றுத்திறனாளிகளுக்கு மின்கலனால் இயங்கும் சிறப்பு சக்கர நாற்காலிகள், இணைப்புச் சக்கரம் பொருந்திய பெட்ரோல் வாகனங்கள், 2 பேருக்கு சலவைப்பெட்டிகள், 3 விவசாயிகளுக்கு வேளாண் கருவிகள் என 18 நபா்களுக்கு ரூ.11 லட்சத்து 25 ஆயிரத்து 629 மதிப்பில் நலத்திட்ட உதவிகள் வழங்கப்பட்டன.
இதையடுத்து, பல்வேறு துறைகளைச் சோ்ந்த 355 அலுவலா்கள், பணியாளா்களுக்கு நற்சான்றிதழ்கள் வழங்கப்பட்டன.
இதன்பின்னா், செய்தி மக்கள் தொடா்புத்துறை சாா்பில் சுதந்திர போராட்டத்தில் ஈடுபட்ட தியாகிகளின் தியாகத்தை பொதுமக்கள் அறிந்து கொள்ளும் வகையில் அமைக்கப்பட்டிருந்த புகைப்படத் தொகுப்பு கண்காட்சியையும் மாவட்ட ஆட்சியா் மோகன் திறந்துவைத்து பாா்வையிட்டாா்.
விழாவைத் தொடா்ந்து, புதுச்சேரி சாலையில் உள்ள காந்தியின் திருவுருவச் சிலைக்கு மாவட்ட ஆட்சியா் மோகன் மலா் தூவி மாலை அணிவித்து மரியாதை செலுத்தினாா்.
இதையடுத்து, தியாகி அபரன்ஜி குப்தாவின் தியாகங்களை போற்றும் வகையில் அவரது வாரிசுதாரரான கோலியனூரில் உள்ள சுலோச்சனாவை அவரது வசிப்பிடத்துக்கே நேரில் சென்று பொன்னாடை அணிவித்து கௌரவித்தாா். அப்போது, சுலோச்சனா, தனது சொந்த சேமிப்பில் இருந்து கரோனா நிவாரண நிதியாக ரூ.5,000-ஐ மாவட்ட ஆட்சியா் மோகனிடம் வழங்கினாா்.
இதேபோல், தியாகி எஸ்.டி.கிருஷ்ணனின் தியாகங்களை போற்றும் வகையில் அவா்களின் வாரிசுதாரா் சாரதாம்பாளின் வசிப்பிடத்துக்கு நேரில் சென்று பொன்னாடை அணிவித்து கௌரவித்தாா்.
நிகழ்ச்சியில், மாவட்ட முதன்மை நீதிபதி ஆா்.பூா்ணிமா, மாவட்ட அமா்வு நீதிபதி ஜீ.சாந்தி, தலைமை குற்றவியல் நீதிபதி எஸ்.கோபிநாதன், எம்.எல்.ஏ.க்கள் நா.புகழேந்தி (விக்கிரவாண்டி), இரா.லட்சுமணன் (விழுப்புரம்), மாவட்ட ஊராட்சிக்குழுத் தலைவா் ம.ஜெயச்சந்திரன் உள்பட பலா் பங்கேற்றனா்.
கரோனா பரவல் தடுப்பு நடவடிக்கைக்காக, கலைநிகழ்ச்சிகள் இன்றி விழா எளிமையாக நடைபெற்றது.