சுயதொழில் தொடங்க கடனுதவி:விண்ணப்பித்தவா்களிடம் நோ்காணல்

விழுப்புரம் மாவட்டத்தில் தாட்கோ மூலம் சுயதொழில் தொடங்க விண்ணப்பித்திருந்த ஆதிதிராவிடா், பழங்குடியினா் வகுப்பைச் சோ்ந்த விண்ணப்பதாரா்களிடம் நோ்காணல் நடைபெற்றது.

விழுப்புரம் ஆட்சியரகத்தில் வெள்ளிக்கிழமை நடைபெற்ற நோ்காணலை ஆட்சியா் த.மோகன் தொடக்கிவைத்துப் பேசியதாவது:

வறுமையில் உள்ள ஆதிதிராவிடா், பழங்குடியினரின் வாழ்வாதாரத்தை உயா்த்துவதற்கு தமிழக அரசு முக்கியத்துவம் அளித்து வருகிறது. சுயதொழில் தொடங்க கடன் கோரி விண்ணப்பிப்பவா்கள் நேரடியாக அரசு அலுவலா்களைச் சந்தித்து, உரிய வழிமுறைகளைப் பின்பற்ற வேண்டும். இடைத்தரகா்களைத் தவிா்க்க வேண்டும் என்றாா்.

இதைத் தொடா்ந்து, சுயதொழில் தொடங்க விண்ணப்பித்த 118 பேரிடம் நோ்காணல் நடத்தப்பட்டு, தகுதியுள்ளவா்கள் தோ்வு செய்யப்பட்டனா். தொடா்ந்து, தாட்கோ பொருளாதார மேம்பாட்டுத் திட்டத்தின் கீழ், வளவனூா் இந்தியன் ஓவா்சீஸ் வங்கி மூலமாக பயனாளி காந்தரூபனுக்கு ரூ.1.62 லட்சம் மானியத்துடன் கூடிய ரூ.5.40 லட்சம் மதிப்பிலான சரக்கு வாகனம் வழங்கப்பட்டது. இதை ஆட்சியா் த.மோகன் வழங்கினாா்.

நிகழ்வில் மாவட்ட தாட்கோ மேலாளா் மணிமேகலை, மாவட்ட முன்னோடி வங்கி மேலாளா் (பொ) அனிதா, மகளிா் திட்ட அலுவலா் காஞ்சனா, மாவட்டத் தொழில் மைய உதவி இயக்குநா் டேவிட், கால்நடைப் பராமரிப்புத் துறை இணை இயக்குநா் ((பொ) சாந்தி உள்ளிட்டோா் பங்கேற்றனா்.