தமிழ்நாடு அரசுப் பணியாளா்கள் சங்கத்தினா் ஆா்ப்பாட்டம்

விழுப்புரத்தில் தமிழ்நாடு அரசுப் பணியாளா்கள் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு சங்கத்தின் மாவட்டத் தலைவா் சிவகுமாா் தலைமை வகித்தாா். சங்கத்தின் மாநில சிறப்புத் தலைவா் கு.பாலசுப்ரமணியன் கண்டன உரையாற்றினாா். முன்னதாக, அவா் செய்தியாளா்களிடம் கூறியதாவது:

தமிழகத்தில் வட்டாரப் போக்குவரத்து அலுவலகங்களிலுள்ள 3 ஆயிரம் பணியிடங்களில் 1,300 பணியிடங்களும், 154 பதிவுறு எழுத்தா் பணியிடங்களில் 117 பணியிடங்களும் காலியாக உள்ளன. இதனால் தற்போது பணியில் உள்ளவா்களுக்கு கூடுதல் பணி சுமை ஏற்படுகிறது.

பணிகளை விரைவாக முடிப்பதற்காக கணினிமயமாக்கப்பட்டது. அதில் பொருத்தப்படும் மென்பொருள் குறைபாடுகளை நீக்காமல் அப்படியே கிடப்பில் போட்டுள்ளனா். வட்டாரப் போக்குவரத்து அலுவலகங்களில் தொழில்நுட்பப் பணியாளா்கள், அமைச்சுப் பணியாளா்கள் பணியாற்றுகின்றனா். அவா்களில் தொழில்நுட்பப் பணியாளா்களுக்கு மட்டும் பணி மாறுதல், பதவி உயா்வு அளிக்கப்படுகிறது. அமைச்சுப் பணியாளா்கள் புறக்கணிக்கப்படுகின்றனா்.

தங்களின் 10 அம்சக் கோரிக்கைகளை வலியுறுத்தி, போக்குவரத்து அமைச்சுப் பணியாளா்கள் விழுப்புரத்தில் கடந்த 17-ஆம் தேதி கருப்பு உடை அணிந்து பணியாற்றினா். தங்கள் உரிமைக்காக குரல் கொடுத்த அமைச்சுப் பணியாளா்கள் மீது நடவடிக்கை எடுக்குமாறு விழுப்புரம் வட்டாரப் போக்குவரத்து அலுவலா் உயா் அலுவலா்களுக்குப் பரிந்துரைத்துள்ளாா்.

இதைக் கண்டித்து அமைச்சுப் பணியாளா்கள் புதன்கிழமை (ஏப். 24) சிறுவிடுப்பு எடுத்து போராட்டமும், 30-ஆம் தேதி முதல் காலவரையற்ற வேலைநிறுத்த போராட்டமும் நடத்தப்படும். அரசு எங்களை அழைத்து பேசும்வரை இந்தப் போராட்டம் தொடரும் என்றாா்.

பேட்டியின்போது, சங்கத்தின் மாநிலத் தலைவா் சுகமதி, பொதுச் செயலா் சுவாமிநாதன், பொருளாளா் சரவணன் உள்ளிட்டோா் உடனிருந்தனா்.