சொகுசுப் பேருந்து, காா் மோதல்: பெண் உயிரிழப்பு, 3 போ் காயம்

விழுப்புரம் அருகே திங்கள்கிழமை இரவு தனியாா் சொகுசுப் பேருந்து, காா் மோதியதில் பெண் ஒருவா் நிகழ்விடத்திலேயே உயிரிழந்தாா். 3 போ் பலத்த காயமடைந்தனா்.

சிவகங்கை மாவட்டம், முப்பையூரைச் சோ்ந்தவா் மகிமைராஜா (55). இவரது மனைவி சபரியம்மாள்(50). சவேரியாா்பட்டினம் பகுதியைச் சோ்ந்தவா் ரபேல் மனைவி ஜெயராணி(50).

இவா்கள் ஒரு காரில் சென்னை விமான நிலையத்துக்கு சென்று கொண்டிருந்தனா். தேவக்கோட்டையைச் சோ்ந்த ராஜா காரை ஓட்டினாா்.

இந்த நிலையில், திங்கள்கிழமை நள்ளிரவில் திருச்சி - சென்னை தேசிய நெடுஞ்சாலையில் விழுப்புரத்தை அடுத்த ஜானகிபுரம் மேம்பாலம் அருகே சென்றபோது எதிரே வந்த தனியாா் சொகுசுப் பேருந்தும், காரும் மோதிக் கொண்டன. இதில் காா் முழுவதும் சேதமடைந்தது. காரில் பயணித்த 4 பேரும் காயமடைந்தனா். பலத்த காயமடைந்த ஜெயராணி நிகழ்விடத்திலேயே உயிரிழந்தாா்.

தகவலறிந்த விழுப்புரம் தாலுகா போலீஸாா் மற்றும் தீயணைப்புத் துறையினா் சென்று மீட்புப் பணியில் ஈடுபட்டனா்.

மகிமைராஜா, சபரியம்மாள் மற்றும் காா் ஓட்டுநா் ராஜா ஆகியோரை மீட்டு 108 அவசர ஊா்தி மூலம் மாவட்ட அரசு மருத்துவக் கல்லூரி மருத்துவமனைக்கு அனுப்பி வைத்தனா்.

விபத்து காரணமாக, தேசிய நெடுஞ்சாலையில் ஒரு மணி நேரத்துக்கும் மேலாக போக்குவரத்து பாதிக்கப்பட்டது. விபத்து குறித்து விழுப்புரம் தாலுகா போலீஸாா் செவ்வாய்க்கிழமை வழக்குப் பதிந்து விசாரிக்கின்றனா்.