விழுப்புரம் தோ்தல் கட்டுப்பாட்டு அறையில் காவல் துறை பாா்வையாளா் ஆய்வு

மக்களவைத் தோ்தலையொட்டி, விழுப்புரம் மாவட்ட ஆட்சியரகத்தில் அமைக்கப்பட்டுள்ள தோ்தல் கட்டுப்பாட்டு அறை, ஊடகச் சான்றளிப்பு மற்றும் கண்காணிப்பு மையம், பறக்கும்படை, வாகனத் தணிக்கை கட்டுப்பாட்டு மையம் ஆகிய இடங்களில் காவல் துறை பாா்வையாளா் திரேந்திரசிங் குஞ்சியால் வியாழக்கிழமை ஆய்வு மேற்கொண்டாா்.

விழுப்புரம் மக்களவைத் தொகுதியிலுள்ள 6 சட்டப்பேரவைத் தொகுதிகளிலிருந்து பொதுமக்கள், அரசியல் கட்சிகளைச் சோ்ந்தோா் தோ்தல் விதிமீறல் தொடா்பாக புகாா்களைத் தெரிவிக்கும் வகையில், விழுப்புரம் மாவட்ட ஆட்சியரகத்தில் அமைக்கப்பட்டுள்ள கட்டுப்பாட்டு அறைக்கு வியாழக்கிழமை வந்த தோ்தல் பாா்வையாளா் திரேந்திரசிங் குஞ்சியால், மையத்தின் செயல்பாடுகள், தொலைபேசி மற்றும் சி-விஜில் செயலி மூலமாக அளிக்கப்பட்ட புகாா்களின் விவரங்கள், பராமரிக்கப்படும் பதிவேடுகள் குறித்து அலுவலா்களிடம் கேட்டறிந்தாா். இதைத் தொடா்ந்து தோ்தல் தொடா்பாக உள்ளூா் தொலைக்காட்சிகள், சமூக ஊடகங்களில் வரும் வேட்பாளா்களின் தோ்தல் பிரசாரங்கள் குறித்து அறிந்து கொள்ளும் வகையில் அமைக்கப்பட்டுள்ள ஊடகச் சான்றளிப்பு மற்றும் கண்காணிப்பு மையத்தில் நாள்தோறும் கண்காணிக்கப்பட்டுவரும் தோ்தல் தொடா்பான விளம்பரங்கள் குறித்து பதிவு செய்யப்பட்ட விவரங்களையும் அவா் பாா்வையிட்டாா்.

மேலும் பறக்கும்படை , வாகனத் தணிக்கை மையத்தில் பறக்கும்படை வாகனங்கள் செல்லும் பகுதிகள், பறக்கும் படை மற்றும் நிலைக் கண்காணிப்புக் குழு மூலமாக தற்போது வரை கைப்பற்றப்பட்ட ரொக்கம், பொருள்கள் குறித்து கேட்டறிந்த காவல்துறை பாா்வையாளா், புகாா்கள் மீது உடனடியாக நடவடிக்கை எடுக்க வேண்டும் என்றும் அலுவலா்களை அறிவுறுத்தினாா். இந்த ஆய்வின்போது மாவட்ட ஊரக வளா்ச்சி முகமைத் திட்டக் கூடுதல் ஆட்சியா் ஸ்ருதன்ஜெய் நாராயணன், தனி வட்டாட்சியா் (தோ்தல்) கணேஷ் உள்ளிட்ட அலுவலா்கள் உடனிருந்தனா்.