உங்களுக்கு ரிஷப லக்னம், மிதுன ராசி. லக்னத்தில் செவ்வாய் உள்ளது தோஷமில்லை. சனிபகவான் பாக்கியாதிபதி மற்றும் பாதகாதிபதியாக ஆவதால் பாக்கியாதிபத்யமே சிறப்பாகும். லக்னாதிபதி நீச்சம் பெற்று உச்சம் பெற்ற பூர்வபுண்ணியாதிபதியுடன் இணைந்திருப்பது சிறப்பு. இதனால் அவருக்கு முழுமையான நீச்சபங்க ராஜயோகம் உண்டாகிறது. பஞ்சமஹா புருஷ யோகங்களில் ஒன்றான பத்ரயோகமும் உண்டாகிறது. தற்சமயம் உச்சம் பெற்ற புதபகவானின் தசை நடப்பதால் அரசு உத்தியோகம் அடுத்த ஆண்டு அமையும். குருபகவான் உச்சம் பெற்று களத்திரம், பாக்கியம் மற்றும் லாப ஸ்தானங்களைப் பார்வை செய்வது சிறப்பு. எதிர்காலம் சிறப்பாக அமையும். பிரதி புதன் மற்றும் வெள்ளிக்கிழமைகளில் பெருமாளையும் தாயாரையும் வழிபட்டு வரவும்.