உங்கள் மகளுக்கு கடக லக்னம், ரோகிணி நட்சத்திரம். சந்திர தசையில் இருப்பு 0 வருடம், 10 மாதங்கள், 24 நாள்கள் என்று குறிப்பிட்டுள்ள ஜாதகத்தைப் பயன்படுத்திக் கொள்ளுங்கள். களத்திர ஸ்தானாதிபதியான சனிபகவான் தன் பரஸ்பரம் விரோதம் பெற்ற கிரகமான செவ்வாய்பகவானுடன் இணைந்திருக்கிறார். அதோடு பாக்கியாதிபதியான குருபகவான் சுக ஸ்தானத்தில் அமர்ந்து மாங்கல்ய ஸ்தானத்தையும் அங்கு அமர்ந்திருக்கும் ராகுபகவானையும் பார்வை செய்கிறார். தற்சமயம் பாக்கியாதிபதியான குருபகவானின் தசையில் குடும்பாதிபதியான சூரியபகவானின் புக்தி நடக்கிறது. அவருக்கு அடுத்த ஆண்டு மார்ச் மாதத்திற்குள் சமதோஷமுள்ள வரன் அமைந்து திருமணம் கைகூடும். அரசு அல்லது அரசு சார்ந்த துறைகளில் வேலை கிடைக்கும். பிரதி செவ்வாய்க்கிழமைகளில் துர்க்கையை வழிபட்டு வரவும்.