உங்களுக்கு கும்ப லக்னம், மேஷ ராசி, அசுவினி நட்சத்திரம். லக்னாதிபதி லக்னத்தில் ஆட்சி பெற்று சச மகா யோகத்தைக் கொடுக்கிறார். பூர்வபுண்ணியாதிபதி பூர்வபுண்ணிய ஸ்தானத்தில் ஆட்சி பெற்றிருக்கிறார். பாக்கியாதிபதி சுக்கிரபகவான் களத்திர ஸ்தானத்தில் அமர்ந்திருக்கிறார். தன, லாபாதிபதியான குருபகவான் பாக்கிய ஸ்தானத்தில் அமர்ந்து லக்னத்தையும் அங்கு அமர்ந்திருக்கும் சனிபகவானையும் தைரிய ஸ்தானத்தையும் அங்கு அமர்ந்திருக்கும் சந்திர, கேது பகவான்களையும், பூர்வபுண்ணிய ஸ்தானத்தையும் அங்கு ஆட்சி பெற்று அமர்ந்திருக்கும் புதபகவானையும் பார்வை செய்கிறார். தற்சமயம் சுக்கிரமகா தசை முடியும் தறுவாயில் உள்ளது. கோசாரமும் வலுவாக உள்ளதால் அடுத்த ஆண்டு இறுதிக்குள் நல்ல அரசு வேலை கிடைக்கும். உடல் ஆரோக்கியமும் சீர்பட்டு விடும். எதிர்காலம் சிறப்பாக அமையும்.