என் தொழிலில் கடன் கூடிவிட்டது. எப்பொழுது சரியாகும்? பரிகாரம் எதுவும் செய்ய வேண்டுமா? - வாசகர், ஈரோடு
உங்களுக்கு மீன லக்னம், தனுசு ராசி, பூராடம் நட்சத்திரம். லக்னம் மற்றும் தொழில் லக்னத்திற்கும் அதிபதியான குருபகவான் உச்சம் பெற்று அஷ்டம ஸ்தானம் அங்கு அமர்ந்து இருக்கும் கேதுபகவான், லாப ஸ்தானம் அங்கு அமர்ந்திருக்கும் சுக்கிரபகவான், லக்னம் அங்கு அமர்ந்திருக்கும் சனிபகவான் ஆகியோரை பார்வை செய்கிறார். ஆறாமதிபதியான சூரியபகவான் தொழில் ஸ்தானத்தில் சந்திர, புதபகவான்களுடன் இணைந்திருக்கிறார். இதனால் செய்தொழிலில் பெரிய பாதிப்பு எதுவும் ஏற்படாது. தற்சமயம் குருபகவானின் தசையில் சுயபுக்தி இந்த ஆண்டு அக்டோபர் மாதம் வரையில் நடக்கிறது. இந்த ஆண்டு நவம்பர் மாதத்திலிருந்து செய்தொழிலில் வளர்ச்சி உண்டாகத் தொடங்கும். இது ஏழரை நாட்டுசனியில் இரண்டாம் சுற்றாக அமைவதால் அடுத்த ஆண்டு தொடக்கத்திலிருந்து உங்கள் மனதில் மகிழ்ச்சி நிறையும். எதிர்காலம் சிறப்பாக அமையும். பிரதி சனிக்கிழமைகளில் சனிபகவானை வழிபட்டு வரவும்.