உங்கள் மகனுக்கு மிதுன லக்னம், தனுசு ராசி, பூராடம் நட்சத்திரம். லக்னாதிபதி மற்றும் சுகாதிபதியான புதபகவானும் பூர்வபுண்ணியம் மற்றும் அயன ஸ்தானாதிபதியுமான சுக்கிரபகவானும் அஷ்டம ஸ்தானத்தில் சிறப்பாக இணைந்து குடும்ப ஸ்தானத்தைப் பார்வை செய்கிறார்கள். சுக ஸ்தானத்தில் சனி, செவ்வாய்பகவான்கள் இருப்பது குறையென்றாலும் செவ்வாய் தோஷம் இல்லை. களத்திர, நட்பு ஸ்தானாதிபதி, பூர்வபுண்ணிய ஸ்தானத்தில் அமர்ந்திருப்பது சிறப்பு. அவருக்கு இந்த ஆண்டு இறுதிக்குள் படித்த பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.