உங்கள் மகனுக்கு கன்னி லக்னம் மற்றும் தொழில் ஸ்தானத்திற்கும் அதிபதியான புதபகவான் அஷ்டம ஸ்தானமான எட்டாம் வீட்டில் லாபாதிபதியான சந்திரபகவானுடன் இணைந்து இருக்கிறார். தன பாக்கியாதிபதியான சுக்கிரபகவான் களத்திர ஸ்தானத்தில் உச்சம் பெற்று மாளவிகா யோகத்தைக் கொடுக்கிறார். பூர்வபுண்ணியாதிபதியான சனிபகவான் குடும்ப ஸ்தானத்தில் உச்சம் பெற்றிருக்கிறார். சுக, களத்திர ஸ்தானாதிபதியான குருபகவான் நீச்சம் பெற்றிருந்தாலும் நவாம்சத்தில் உச்சம் பெற்றிருப்பதால் நீச்சபங்க ராஜயோகத்தைப் பெறுகிறார். தற்சமயம் பாக்கிய ஸ்தானத்திலுள்ள செவ்வாய்பகவானின் தசையில் லக்னாதிபதியின் புக்தி நடப்பதால் அடுத்த ஆண்டு மார்ச் மாதத்திற்குள் சமதோஷமுள்ள பெண் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.