உங்கள் மகனுக்கு கடக லக்னம், கன்னி ராசி. லக்னாதிபதி பாக்கியாதிபதியான குருபகவானுக்குக் கேந்திரம் பெற்றிருப்பதால் கஜகேசரி யோகம் உண்டாகிறது. குருபகவானின் பார்வை தொழில் ஸ்தானாதிபதியின் மீது படிகிறது. தொழில் ஸ்தானத்தில் தனாதிபதி உச்சம் பெற்று புதபகவானுடன் இணைந்து புதாதித்ய யோகத்தைப் பெறுகிறார். அவருக்கு தற்சமயம் ராகுபகவானின் தசையில் உச்சம் பெற்றிருக்கும் சுக்கிரபகவானின் புக்தி நடக்கிறது. இந்த ஆண்டு இறுதிக்குள் தகுதிக்கேற்ற வேலை தனியார்துறையில் நல்ல சம்பளத்துடன் கிடைத்துவிடும். அடுத்த ஆண்டு இறுதிக்குள் படித்த பெண் அமைந்து திருமணம் கைகூடும். தீர்க்காயுள் உண்டு. பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.