உங்களுக்கு மேஷ லக்னம், கும்ப ராசி. லக்னாதிபதி, குடும்பாதிபதி மற்றும் தைரிய ஸ்தானாதிபதி ஆகிய மூன்று கிரகங்கள் பூர்வபுண்ணிய புத்திர ஸ்தானத்தில் அமர்ந்திருக்கிறார்கள். பாக்கியாதிபதியான குருபகவான் ஆறாம் வீட்டில் அமர்ந்து தொழில் ஸ்தானத்தையும் அயன ஸ்தானத்தையும் குடும்ப ஸ்தானத்தையும் பார்வை செய்கிறார். அரசியல் கிரகங்கள் வலுவாக உள்ளதாலும் தற்சமயம் சுக்கிர மகாதசை நடப்பதால் அரசியலில் ஈடுபட்டு வெற்றியடைவீர்கள். உங்கள் மகனுக்கு உங்கள் இனத்தில் திருமணம் கைகூடும். 2022 -ஆம் ஆண்டுக்குள் சொந்தவீடு அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.