உங்களுக்கு சிம்ம லக்னம், மீன ராசி, உத்திரட்டாதி நட்சத்திரம். லக்னாதிபதி அயன ஸ்தானத்தில் அமர்ந்திருக்கிறார். பூர்வபுண்ணிய புத்திர ஸ்தானாதிபதி லாப ஸ்தானத்தில் அமர்ந்து தைரிய ஸ்தானம், பூர்வபுண்ணிய ஸ்தானம் மற்றும் களத்திர ஸ்தானங்களைப் பார்வை செய்கிறார். அதோடு லக்னத்திலிருந்து புதன், சுக்கிரன், சனி பகவான்களுடன் களத்திர ஸ்தானத்தைப் பார்வை செய்கிறார்கள். அதேநேரம் சர்ப்பதோஷம் உள்ளது. அயன ஸ்தானாதிபதி அஷ்டம ஸ்தானத்தில் கேதுபகவானுடனும் சுக பாக்கியாதிபதியான செவ்வாய்பகவான் குடும்ப ஸ்தானத்தில் ராகுபகவானுடன் இணைந்திருக்கிறார். தற்சமயம் தொழில் ஸ்தானாதிபதியான சுக்கிரபகவானின் தசையில் தன, லாபாதிபதியான புதபகவானின் புக்தி நடப்பதால் அடுத்த ஆண்டு இறுதிக்குள் படித்த நல்ல வேலையிலுள்ள பெண் அமைந்து திருமணம் கைகூடும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.