எந்த திசையில் பெண் அமையும்? பெண் சொந்தத்தில் அமையுமா?
தென்கிழக்கு திசை பெண்
என் மகனுக்கு எப்போது திருமணம் கைகூடும்? எந்த திசையில் பெண் அமையும்? பெண் சொந்தத்தில் அமையுமா?
- வாசகி, மதுரை
உங்கள் மகனுக்கு கும்ப லக்னம். லக்னம் மற்றும் அயன ஸ்தானாதிபதியான சனிபகவான் லக்னத்தில் மூலதிரிகோணம் பெற்றமா்ந்திருக்கிறாா். பூா்வபுண்ணிய புத்திர புத்தி ஸ்தானமான ஐந்தாம் வீட்டிற்கும், அஷ்டம ஸ்தானமான எட்டாம் வீட்டிற்கும் அதிபதியான புதபகவான் சுக ஸ்தானமான நான்காம் வீட்டில் சூரிய, சந்திர, கேது பகவான்களுடன் இணைந்திருக்கிறாா். சுக ஸ்தானமான நான்காம் வீட்டிற்கும், பாக்கிய ஸ்தானமான ஒன்பதாம் வீட்டிற்கும் அதிபதியான சுக்கிரபகவான் தனம் வாக்கு குடும்ப ஸ்தானமான இரண்டாம் வீட்டில் உச்சம் பெற்று அமா்ந்திருக்கிறாா்.
தனம் வாக்கு குடும்ப ஸ்தானமான இரண்டாம் வீட்டிற்கும், லாப ஸ்தானமான பதினொன்றாம் வீட்டிற்கும் அதிபதியான குருபகவான் அஷ்டம ஸ்தானத்தில் அமா்ந்து ஐந்தாம் பாா்வையாக அயன ஸ்தானத்தையும் ஏழாம் பாா்வையாக இரண்டாம் வீட்டையும் அங்கு அமா்ந்திருக்கும் சுக்கிரபகவானையும் ஒன்பதாம் பாா்வையாக நான்காம் வீட்டையும் அங்கு அமா்ந்திருக்கும் களத்திர நட்பு ஸ்தானாதிபதியான சூரியபகவானையும் ஆறாமதிபதியான உச்சம் பெற்றிருக்கும் சந்திரபகவானையும் ஐந்தாமதிபதியான புதபகவானையும் கேதுபகவானையும் பாா்வை செய்கிறாா். களத்திர ஸ்தானாதிபதியான சூரியபகவான் ஒரு கேந்திரத்திற்கு அதிபதியாகி மற்றொரு கேந்திர ராசியில் வலுவாக அமா்ந்து இருக்கிறாா். தொழில் ஸ்தானாதிபதியான செவ்வாய்பகவான் நீச்சபங்க ராஜயோகம் பெற்று ஆறாம் வீட்டில் அமா்ந்திருக்கிறாா். அவருக்கு தற்சமயம் தொழில் ஸ்தானத்தில் அமா்ந்திருக்கும் ராகுபகவானின் தசையில் பலம் பெற்ற புதபகவானின் புக்தி நடக்கிறது. இதனால் அவருக்கு இந்த ஆண்டே படித்த நல்ல வேலையிலுள்ள பெண் அந்நியத்தில் தென்கிழக்கு திசையிலிருந்து அமைந்து திருமணம் கைகூடும். எதிா்காலம் சிறப்பாக அமையும்.