லிப் டு லிப் காட்சிக்கு 36 டேக்குகள் வாங்கிய ஜி.வி. பிரகாஷ்!

த்ரிஷா இல்லனா நயன்தாரா படத்துக்காக படமாக்கப்பட்ட லிப் டு லிப் கிஸ் காட்சிக்கு 36 டேக்குகள் வாங்கியுள்ளார் ஜி.வி. பிரகாஷ்.

த்ரிஷா இல்லனா நயன்தாரா படத்தில் ஜி.வி. பிரகாஷ், ஆனந்தி, மனிஷா யாதவ், சிம்ரன் ஆகியோர் நடிக்கிறார்கள். ஆதிக் ரவிச்சந்திரன் என்கிற அறிமுக இயக்குநர் இயக்குகிறார்.

‘இந்தப் படத்தில் ஜி.வி. பிரகாஷூம் மனிஷா யாதவும் முத்தக் காட்சி ஒன்றில் நடிக்கவேண்டும் என்று இயக்குநர் வேண்டுகோள் விடுத்தார். இதைக் கேட்டவுடன் ஜி.வி. பிரகாஷ் ஆரம்பத்தில் தயங்கினார். இந்த யோசனை அவருக்குச் சரியாகப் படவில்லை. ஆனால் மனிஷாவுக்கு இதில் எந்தச் சங்கடமும் ஏற்படவில்லை. இந்தக் காட்சியை விளக்கியபோது உடனே ஓகே சொன்னார். ஆனால் ஜிவி பிரகாஷ்வைத்தான் ஊக்கப்படுத்தவேண்டியிருந்தது. பிறகு அவர் சம்மதம் சொன்னார்.

லிப் டு லிப் காட்சி என்பதால் பல்வேறு கோணங்களில் எடுக்கவேண்டியிருந்தது. இதனால் 36 டேக்குகள் வரை செல்லவேண்டியிருந்தது. சரியான கோணத்திலிருந்து எடுக்கவேண்டும் என இயக்குநர் விரும்பினார். அப்போதுதான் இந்தக் காட்சி பார்க்க  அசிங்கமாக இருக்காது. எனவே பல டேக்குகள் எடுக்கவேண்டியாதனது’ என்று படக்குழு சார்பில் தெரிவித்தார்கள்.

இந்தப் படத்தோடு, மேலும் சில படங்களில் கதாநாயகனாக நடித்துக்கொண்டிருக்கிறார் ஜி.வி. பிரகாஷ். கெட்ட பயடா இந்த கார்த்தி, பாட்ஷா என்கிற ஆண்டனி போன்ற படங்களோடு டார்லிங் இயக்குநருடன் இணைந்தும் ஒரு படத்தில் நடிக்கவுள்ளார்.