விஜய் சேதுபதி, அதிதி ராவ், ஆர். பார்த்திபன் நடிப்பில் உருவாகவுள்ள துக்ளக் தர்பார் படத்தின் படப்பிடிப்பு பூஜையுடன் இன்று தொடங்கியுள்ளது.
டெல்லி பிரசாத் தீனதயாள் இயக்குநராக அறிமுகமாகும் இப்படத்துக்கு இசை - கோவிந்த் வசந்தா. விஜய் சேதுபதியின் நெருங்கிய நண்பர்களும் இயக்குநர்களுமான பாலாஜி தரணிதரன் வசனகர்த்தாவாகவும் பிரேம் குமார் ஒளிப்பதிவாளர்களாகவும் இப்படத்தில் பணியாற்றுகிறார்கள். தயாரிப்பு - செவன் ஸ்க்ரீன் ஸ்டூடியோ.
