சுடச்சுட

    
    indian2_shankar11111xx

     

    கமல்- ஷங்கர் கூட்டணியில் உருவாகி வரும் இந்தியன் 2 படத்துக்கு ரத்னவேலு ஒளிப்பதிவு செய்கிறார். இதற்கான அதிகாரபூர்வ அறிவிப்பு வெளியாகியுள்ளது. 

    சுதந்திரத் தினமான இன்று படத்தின் புதிய போஸ்டர் வெளியாகியுள்ளது. 

    1996-ல் ஷங்கர் இயக்கத்தில் கமல் நடித்த இந்தியன் படம் பெரிய வெற்றியடைந்தது. இப்படத்தின் 2-ம் பாகம் தற்போது உருவாக்கப்பட்டு வருகிறது. கமல், காஜல் அகர்வால், சித்தார்த், ரகுல் ப்ரீத் சிங், வித்யுத் ஜமால், ஐஸ்வர்யா ராஜேஷ், ப்ரியா பவானி சங்கர் போன்றோர் இந்தியன் 2 படத்தில் நடிக்கிறார்கள். இசை - அனிருத்.

    தற்போது வெளியிடப்பட்டுள்ள போஸ்டரில் ஒளிப்பதிவாளர் ரத்னவேலுவின் பெயர் இடம்பெற்றுள்ளது. முதலில் வெளியிடப்பட்ட போஸ்டரில் ஒளிப்பதிவாளராக ரவி வர்மனின் பெயர் இடம்பெற்றது. ஆனால் அவர் மணி ரத்னத்தின் பொன்னியின் செல்வன் படத்தில் பணிபுரிய உள்ளதால் அவருக்குப் பதிலாக இந்தியன் 2 படத்தில் ரத்னவேலு இடம்பெற்றுள்ளார். 

    சேது, நந்தா, பகவதி, ஜெயம், திருமலை, பேரழகன், மாயாவி, வாரணம் ஆயிரம், எந்திரன், லிங்கா போன்ற தமிழ்ப் படங்களுக்கு ரத்னவேலு ஒளிப்பதிவு செய்துள்ளார்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai