பாகுபலி புகழ் நடிகர் பிரபாஸின் அடுத்தப் படம், ரூ. 250 கோடியில் உருவாகியுள்ள சாஹோ. தமிழ், தெலுங்கு, ஹிந்தி ஆகிய மொழிகளில் உருவாகியுள்ளது. யூவி கிரியேஷன்ஸ் தயாரித்துள்ள இப்படத்துக்கு இசை - ஷங்கர்-இசான்-லாய். ஷ்ரதா கபூர், ஜாக்கி ஷெராப், நீல் நிதின் முகேஷ், மந்திரா பேடி போன்றோர் நடித்துள்ளார்கள். ஆகஸ்ட் 30 அன்று வெளிவரும் என்று அறிவிக்கப்பட்டுள்ளது.
இந்நிலையில் தணிக்கையில் சாஹோ படத்துக்கு யு/ஏ கிடைத்துள்ளது. மேலும் படம் 2.51 மணி நேரம் ஓடும் என்றும் தெரிகிறது. பாகுபலி 2 படத்துக்குப் பிறகு பிரபாஸ் நடித்துள்ள படம் என்பதால் சாஹோ படத்துக்கு அதிக எதிர்பார்ப்பு உள்ளது.
தமிழ்நாட்டில் 550 திரையரங்குகளில் வெளியாகிறது. பாகுபலி 2 படம் தமிழ்நாட்டில் 525 திரையரங்குகளில் வெளியான நிலையில் அதைவிடவும் அதிகத் திரையரங்குகளில் சாஹோ படம் வெளியாகிறது.