நடிகர் விஜய்யின் மகள் திவ்யா சாஷா, பாட்மிண்டன் போட்டிகளில் தொடர்ந்து பங்கேற்று வருகிறார்.
இந்நிலையில் அவர் பயிலும் சென்னை அமெரிக்க சர்வதேச பள்ளி ஒரு பாட்மிண்டன் போட்டியில் 3-வது இடத்தைப் பிடித்துள்ளது. இதற்குப் பாராட்டு தெரிவித்து போட்டியில் பங்கேற்ற பள்ளி வீரர்களின் புகைப்படங்கள் பள்ளியின் ஃபேஸ்புக்கில் பகிரப்பட்டுள்ளன. அப்புகைப்படங்களில் விஜய்யின் மகள் திவ்யாவும் இடம்பெற்றுள்ளார்.
விஜய்யின் மகன் ஜேஸன் சஞ்சய், குறும்படங்களை அவ்வப்போது இயக்கி வருகிறார். இதையடுத்து விஜய்யின் மகள் திவ்யா பாட்மிண்டன் விளையாட்டில் மிகுந்த ஈடுபாடு காண்பித்து வருகிறார்.