இந்தப் பக்கம் அஜித் அந்தப் பக்கம் பிரபாஸ்! மாஸ் காட்டும் ட்ரெய்லர் மற்றும் டீஸர்!
By ராக்கி | Published on : 13th June 2019 01:10 PM | அ+அ அ- | எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

அஜித்தின் நேர்கொண்ட பார்வை படத்தின் ட்ரெய்லர் நேற்று (ஜூன் 12) வெளியான முதல் சமூக வலைத்தளங்களில் நம்பர் 1 ட்ரெண்டிங்கில் உள்ளது. அஜித் ரசிகர்களிடையே மட்டுமல்லாமல் அனைவரிடமும் அமோக வரவேற்பை பெற்றுள்ளது இந்த ட்ரெய்லர்.
தொடர்ந்து வைரலாகி வரும் நிலையில், பாகுபலி புகழ் பிரபாஸ் நடிப்பில் அதிக பட்ஜெட்டில் உருவாகியுள்ள சாஹோ படத்தின் டீஸர் இன்று வெளியாகியுள்ளது. யூட்யூப்பில் அதிக பார்வையாளர்களைப் பெற்ற இந்த டீஸர்தான் நேர் கொண்ட பார்வை ட்ரெய்லருக்கு சரியான போட்டியாக களத்தில் இறங்கியுள்ளது.
முன்னது ட்ரெய்லர் இது டீசர் என்றாலும் இரண்டு படங்களின் மீதான எதிர்ப்பார்ப்பு ரசிகர்களிடையே அதிகரித்துள்ளது. ஹைதராபாத், மும்பை, அபுதாபி, துபாய், ரோமேனியா மற்றும் ஐரோப்பா ஆகிய நாடுகளில் இப்படத்தின் படப்பிடிப்பு நடந்துள்ளது. சாஹோ சுதந்திர தினத்தன்று வெளியாகவிருக்கிறது. நேர்கொண்ட பார்வை ஆகஸ்ட் 10-ம் தேதி ரிலீஸாகவிருக்கிறது.