அக்னி நட்சத்திரம் அனல் பறந்து கொண்டிருக்க பலரும் குளிர் பிரதேசங்களுக்குச் சென்று வருகின்றனர். சினிமா நட்சத்திரங்கள் பலர் வெளிநாடுகளில் வாசம் செய்கின்றனர். மறுபுறம் வசூலை அள்ளிக் குவிக்கும் போட்டியுடன் பிரபலங்கள் நடித்திருக்கும் ஒரு டஜன் படங்கள் இம்மாதம் திரையரங்குகளை ஆக்ரமிக்கின்றன.
கடந்த 1-ஆம் தேதி கௌதம் கார்த்திக் நடித்த 'தேவராட்டம்', 3-ஆம் தேதி அருள்நிதியின் 'கே13' வெளியாகியுள்ளது. இந்த வாரத்தில் அதர்வாவின் '100' வந்துள்ளது. விஷாலின் 'அயோக்கியா', ஜீவாவின் 'கீ' ஆகிய படங்களும் வந்துள்ளன.
16-ம் தேதி விஜய் சேதுபதியின் 'சிந்துபாத்', 17-ம் தேதி சிவகார்த்திகேயனின் 'மிஸ்டர் லோக்கல்', எஸ்.ஜே.சூர்யா நடித்துள்ள 'மான்ஸ்டர்' ஆகிய படங்கள் வெளியாகின்றன. 21-ம் தேதி அஞ்சலி நடித்துள்ள 'லிசா 2', 31-ஆம் தேதி சூர்யாவின் 'என்ஜிகே', பிரபு தேவாவின் 'தேவி 2', ஜெய் நடிக்கும் 'நீயா 2' ஆகிய படங்கள் வெளியாக இருப்பதாக அறிவிக்கப்பட்டுள்ளது. இது தவிர விக்ரமின் ’கடாரம் கொண்டான்', விமல் நடிக்கும் 'களவாணி 2' படங்களும் வெளியாகவுள்ளன.