அஜித் மீது தீவிரமான பிரியம் கொண்ட ரசிகர்கள் ஏராளமானோர் உண்டு. பொது நிகழ்ச்சிகளில் கலந்துகொள்ளாமல், பட வெளியீட்டுக்கு முன்பு பேட்டி கொடுக்காமல் இருந்தாலும் அஜித் படங்களுக்கு ஆரம்ப நாள்களின் வசூல் அமோகமாக இருக்கும்.
இந்நிலையில் அஜித் ரசிகர்கள் ஒருவர் தன் மகனுக்கு தல அஜித் என்றும் மகளுக்கு அஜித்தா என்றும் பெயரிட்டதோடு, அதே பெயர்களில் பிறப்புச் சான்றிதழ்களை வாங்கி, பள்ளியிலும் அதே பெயர்களில் சேர்த்துள்ளார்.
மதுரை ஜீவா நகரைச் சேர்ந்த மதுரை வீரனுக்கு ஒரு மகனும் ஒரு மகளும் உண்டு. மகனுக்கு தல அஜித் என்று பெயர் வைத்தவர், மகளுக்கு அஜித்தா என பெயர் சூட்டியுள்ளார். இதே பெயர்களில் பிறப்புச் சான்றிதழ்களை வாங்கியதோடு பள்ளிக்கும் இதே பெயர்களைப் பயன்படுத்தியுள்ளார். பிறப்புச் சான்றிதழ், ஆதார் ஆட்டை, பள்ளி அடையாள அட்டை என அனைத்திலும் தல அஜித், அஜித்தா என்றே பெயர்கள் இடம்பெற்றுள்ளன.
இந்தச் செய்தி தற்போது வெளியாகியுள்ளதால் பலரும் தல அஜித் மாணவனின் பிறப்புச் சான்றிதழ், பள்ளி அடையாள அட்டைப் புகைப்படங்களைச் சமூகவலைத்தளங்களில் பகிர்ந்து வருகிறார்கள்.