Enable Javscript for better performance
Bigil Audio launch on Thursday September 19- Dinamani

சுடச்சுட

    

    பிகில் பாடல் வெளியீட்டு விழா: சன் டிவியில் நேரலை ஒளிபரப்பு இல்லாதது ஏன்?

    By எழில்  |   Published on : 14th September 2019 10:56 AM  |   அ+அ அ-   |    |  

    bigil_2cc

     

    ராஜா ராணி, தெறி, மெர்சல் ஆகிய படங்களை இயக்கியுள்ள பிரபல இயக்குநர் அட்லி அடுத்ததாக விஜய் கதாநாயகனாக நடிக்கும் பிகில் படத்தை இயக்கி வருகிறார். மெர்சல் படத்துக்குப் பிறகு விஜய் - அட்லி - ஏ.ஆர். ரஹ்மான் இணையும் புதிய படம் குறித்த அதிகாரபூர்வ அறிவிப்பை ஏஜிஎஸ் நிறுவனம் கடந்த வருடம் இறுதியில் வெளியிட்டது. நயன்தாரா, ஜாக்கி ஷெராப், விவேக், யோகிபாபு, கதிர் போன்றோர் இப்படத்தில் நடிக்கிறார்கள். இசை - ஏ.ஆர். ரஹ்மான், ஒளிப்பதிவு - ஜி.கே. விஷ்ணு, பாடல்கள் - விவேக், படத்தொகுப்பு - ரூபன் எல். ஆண்டனி, கலை - முத்துராஜ், சண்டைப் பயிற்சி - அனல் அரசு. ஜனவரி 19 அன்று பூஜை நடைபெற்றது. 2019 தீபாவளிக்கு வெளிவருவதாக அறிவிக்கப்பட்டுள்ளது. 

    ரஹ்மான் இசையமைப்பில் சிங்கப்பெண்ணே, வெறித்தனம் என இரு பாடல்கள் இதுவரை வெளியிடப்பட்டுள்ளன. பிகில் படத்தின் பாடல்கள் வரும் 19 அன்று வெளியிடப்படுகின்றன.

    இந்நிலையில் பிகில் பாடல் வெளியீட்டு விழாவுக்கு நேரலை தொலைக்காட்சி ஒளிபரப்பு இல்லாதது ஏன் என்கிற கேள்விக்கு படத்தின் கிரியேட்டிவ் தயாரிப்பாளர் அர்ச்சனா கல்பாதி ட்விட்டரில் பதில் அளித்துள்ளார். அவர் கூறியதாவது: பாடல் வெளியீட்டு விழா எங்களுக்கு மிகவும் சிறப்பான நிகழ்வாகும். படக்குழுவினர் எல்லோரும் நிகழ்சிக்கு வருவதற்கு ஏற்றாற்போல வெளியீட்டுத் தேதி நிர்ணயிக்கப்பட்டுள்ளது. வார நாளில் நிகழ்ச்சி நடப்பதால், நேரலை ஒளிபரப்பு சாத்தியமில்லை. சன் டிவியில் நிகழ்ச்சி ஒளிபரப்பாகும்போது டிஆர்பி ரேட்டிங்குகளில் சாதனை நிகழ்த்தப்படும் என்று கூறியுள்ளார். 

    பிகில் பாடல் வெளியீட்டு விழா, சன் டிவியில் அடுத்த ஞாயிறு அன்று (செப். 22) மாலை 6.30 மணிக்கு ஒளிபரப்பாகவுள்ளது. 

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp