பிரபல பாலிவுட் நடிகை சாரா அலி கானின் கார் ஓட்டுநருக்கு கரோனா வைரஸ் தொற்று ஏற்பட்டுள்ளது.
இதுபற்றி இன்ஸ்டகிராமில் சாரா அலி கான் கூறியதாவது:
என்னுடைய ஓட்டுநர் கரோனா வைரஸ் தொற்றால் பாதிக்கப்பட்டுள்ளார். இதுபற்றி உடனடியாக மும்பை மாநகராட்சிக்குத் தெரியப்படுத்தப்பட்டது. அவர் தனிமைப்படுத்துதல் மையத்தில் அனுமதிக்கப்பட்டுள்ளார். இதையடுத்து என் குடும்பத்தினருக்கும் இதர பணியாளர்களுக்கும் கரோனா பரிசோதனை மேற்கொள்ளப்பட்டதில் யாருக்கும் தொற்று இல்லை என்பது உறுதி செய்யப்பட்டது. இச்சமயத்தில் ஆதரவாக இருந்த மும்பை மாநகராட்சிக்கு நன்றி என்று கூறியுள்ளார்.
பிரபல பாலிவுட் நடிகரான சயிப் அலி கானின் மகளான சாரா அலி கான் இதுவரை மூன்று படங்களில் நடித்துள்ளார். ஆனந்த் எல். ராயின் இயக்கத்தில் தனுஷ் நடிக்கும் 2-வது ஹிந்திப் படத்தில் கதாநாயகியாக நடிக்கவுள்ளார்.