விஜய் நடித்துள்ள மாஸ்டர் படத்திலிருந்து நீக்கப்பட்ட காட்சியை அமேசான் ப்ரைம் சனிக்கிழமை மாலை வெளியிட்டுள்ளது.
விஜய், விஜய் சேதுபதி நடிப்பில் பொங்கலுக்கு வெளியான மாஸ்டர் திரைப்படம் திரையரங்குகளில் வெற்றிகரமாக ஓடிக் கொண்டிருக்கிறது. திரையரங்குகளில் வெளியாகி அடுத்த 16வது நாளில் பிரபல ஓடிடி தளமான அமேசான் பிரைமிலும் மாஸ்டர் வெளியானது.
இரண்டு தளங்களிலும் வெளியான போதிலும் மாஸ்டரின் வெற்றியோட்டம் குறையவில்லை.
இந்த நிலையில் 25-வது நாளைக் கொண்டாடும் வகையில் படத்தின் முழுமையான பின்னணி இசையை படக் குழு மாலை வெளியிட்டது. இதைத் தொடர்ந்து, படத்திலிருந்து நீக்கப்பட்ட 5 நிமிடக் காட்சியை அமேசான் ப்ரைம் வெளியிட்டுள்ளது.