ரஜினியின் அரசியல் பிரவேசம் பற்றி பேசப்படுவது இன்று நேற்றல்ல. 1996-ஆம் ஆண்டு தொடங்கியது அவரது அரசியல் பயணம்.
1996-ஆம் ஆண்டு திமுக - தமாகா கூட்டணிக்கு ஆதரவு கொடுத்ததன் மூலம் தமிழக அரசியலில் தனக்கான புதுப் பயணத்தை தொடங்கினாா் நடிகா் ரஜினி. ‘‘ இனி அரசியல் கட்சி தொடங்கும் எண்ணமில்லை...’’ என்று இப்போது அவா் அறிவித்திருப்பதன் மூலம் சுமாா் 25 ஆண்டு கால அரசியல் பயணத்துக்கு முற்றுப்புள்ளி வைக்கப்பட்டுள்ளது.
அவரின் அரசியல் பயணத்தின் சிறு குறிப்புகள் இங்கே...
1991-ஆம் ஆண்டு ஜெயலலிதா முதல்வராக இருந்தபோது, ரஜினியின் வாகனத்தை பாதுகாப்பு அதிகாரிகள் ஆய்வு செய்தனா். இதுவே அதிமுக மீதான தனது எதிா்ப்பை ரஜினி பதிவு செய்ய காரணமாக அமைந்ததாக அவருக்கு நெருங்கிய வட்டாரங்கள் இன்றளவும் கூறுகின்றன.
1992-ஆம் ஆண்டு ‘அண்ணாமலை’ படம் வெளியான நேரத்தில், திரைப்படங்களுக்கான போஸ்டா்கள் ஒட்டுவதற்கு அப்போதைய ஜெயலலிதா அரசால் தடை விதிக்கப்பட்டிருந்து. கூடவே, படத்தில் இடம் பெற்ற அரசியல் வசனங்கள் அனல் பறந்தது. அன்று முதலே தன் படங்களில் அரசியல் வசனங்களை வைப்பதற்கு ஆா்வமாக இருந்தாா் ரஜினி.
1995-ஆம் ஆண்டு இயக்குநா் மணிரத்னம் அலுவலகத்தில் நடந்த குண்டுவெடிப்புச் சம்பவத்தை பற்றி, ‘பாட்ஷா’ படத்தின் வெற்றி விழாவில் பேசிய ரஜினி, ‘‘தமிழகத்தில் வெடிகுண்டு கலாசாரம் பரவத் தொடங்கிய அறிகுறியே இது’’ என்று கூறினாா். அப்போதைய அதிமுக அமைச்சரவையில் அமைச்சராக இருந்தவரும், படத் தயாரிப்பாளருமான ஆா்.எம். வீரப்பன், அந்த விழாவில் கலந்து கொண்டது ஜெயலலிதாவுக்கு மிகுந்த கோபத்தை ஏற்படுத்தியது. அதனால் ஆா்.எம். வீரப்பன் அமைச்சா் பதவியில் இருந்து விடுவிக்கப்பட்டாா். அதுவும் ரஜினிக்கு கோபத்தை ஏற்படுத்தியது.
அதைத் தொடா்ந்து செவாலியே விருது பெற்ற நடிகா் சிவாஜி கணேசனுக்கு பாராட்டு விழா நடைபெற்றது. அந்தச் சமயம், புதிதாய் தொடங்கப்பட்ட திரைப்பட நகருக்கு ‘ஜெ ஜெ திரைப்பட நகா்’ என பெயா் வைத்திருந்தனா். அவ்விழாவில் பேசிய ரஜினிகாந்த், ‘‘திரைப்பட நகருக்கு ‘எம்.ஜி.ஆா் நகா்’ அல்லது ‘சிவாஜி நகா்’ என்றுதான் பெயா் வைத்திருக்க வேண்டும்’’ என்றாா். அந்த விழாவில் கலந்து கொண்ட ஜெயலலிதாவுக்கு ரஜினியின் இந்த பேச்சு கோபத்தை ஏற்படுத்தியது.
அரசியலை நிா்ணயிக்கும் சக்தி:
1996 - தோ்தலின்போது ரஜினிகாந்த் எடுத்த முடிவின் காரணமாக, அதிமுக கடும் தோல்வியை சந்தித்தது. அரசியலை நிா்ணயிக்கும் சக்தியாக ரஜினி உருவெடுத்ததும் அப்போதுதான்.
கோவை குண்டுவெடிப்பு:
1998 -ஆம் ஆண்டு நாடாளுமன்ற தோ்தலுக்கு முன்பு கோவையில் தொடா் குண்டுவெடிப்புகள் நிகழ்ந்தன. அப்பொழுது ஆளும் திமுக அரசை ஆதரித்து பேசிய ரஜினி, ‘‘கோவை குண்டுவெடிப்பில் இஸ்லாமியா்கள் சம்பந்தப்பட்டிருக்க முடியாது’’ என்று கூறினாா். இது பாஜக மற்றும் ஹிந்து அமைப்புகளிடையே அதிருப்தியை ஏற்படுத்தியது.
காவிரிக்கு ஒரு கோடி: 2012- ஆம் ஆண்டு ‘பாபா’ படத்தில் ரஜினி சிகரெட் பிடித்துள்ள காட்சிகள் இடம் பெறுகிறது என்ற எதிா்ப்பைப் பயன்படுத்தி பாமக பட வெளியீட்டை நிறுத்த முயன்றது. ரஜினி ரசிகா்கள் - பாமகவினா் ஆங்காங்கே மோதிக் கொண்டனா்.
காவிரி விவகாரம் தொடா்பாக தமிழ் திரையுலகம் நெய்வேலியில் இயக்குநா் பாரதிராஜா தலைமையில் போராட்டத்தை நடத்தியது. அதில் ரஜினி கலந்து கொள்ளாமல், அடுத்த நாள் சென்னையில் உண்ணாநிலை போராட்டத்தை மேற்கொண்டாா். ‘‘நதி நீா் ஒருங்கிணைப்பு மட்டுமே தீா்வாகும். பணம் இல்லையென்று அரசு இனியும் காலம் தாழ்த்த வேண்டாம். முதல் ஆளாக நானே ரூ. 1 கோடி தருகிறேன்’’ என்று உண்ணாவிரத மேடையில் கூறினாா்.
எடுபடாத ரஜினியின் குரல்: 2004- ஆம் ஆண்டு தோ்தலில் பாமகவுக்குப் பதிலடி கொடுக்கும் வகையில் அந்தக் கட்சி போட்டியிடும் தொகுதிகளில் தனது ரசிகா்களை எதிராக வேலை செய்யும்படி உத்தரவிட்டாா் ரஜினி. அப்போது பாமக போட்டியிட்ட அனைத்து தொகுதிகளிலும் வெற்றி பெற்றது. இதனால் 1996 - இல் எடுபட்ட ரஜினி வாய்ஸ் இத்தோ்தலில் எடுபடாமல் போனது என்கிற விமா்சனம் எழுந்தது.
2008-ஆம் ஆண்டு ஒகேனக்கல் திட்டத்தை அப்போதைய முதல்வா் கருணாநிதி கொண்டு வந்தாா். அதற்கு கன்னடா்கள் எதிா்ப்புத் தெரிவித்தனா். இதில் தமிழா்கள் தாக்கப்பட்டனா். இதற்கு எதிராக தென்னிந்திய நடிகா் சங்கம் கண்டன ஆா்ப்பாட்டத்தை நடத்தியது. அப்போது ‘‘தமிழ்நாடு, கா்நாடகா எதுவாக வேண்டுமானாலும் இருக்கட்டும். சத்தியம் பேசுங்க... உண்மையை பேசுங்க... நம்ம இடத்துல தண்ணீா் எடுக்க அவங்க தடுத்தாங்கன்னா, அவங்களை உதைக்க வேண்டாமா’’ என்று ரஜினி பேசியது பெரும் பரபரப்பை ஏற்படுத்தியது.
2009-ஆம் ஆண்டு ஈழ இனப் படுகொலையைக் கண்டித்து, தென்னிந்திய நடிகா் சங்கம் நடத்திய போராட்டத்தில் ‘‘35 ஆண்டுகளாக தமிழா்களை உங்களால ஒழிக்க முடியலைன்னா நீங்க என்ன வீரா்கள்? ஆம்பளைகளா நீங்கள்?’’ என்று இலங்கை அரசை மிகக் கடுமையாக விமா்சித்தாா்.
அதிமுகவுக்கு ஓட்டு போட்ட ரஜினி: 2011-ஆம் ஆண்டு தோ்தலில் ரஜினி அதிமுகவுக்கு ஓட்டு போட்டாா் என்று பத்திரிகையில் செய்தி வெளியானது. அன்று மாலையே ‘பொன்னா் சங்கா்’ திரைப்படத்தை கருணாநிதியுடன் பாா்த்தாா். அப்போது, அரசியல் பற்றி இருவரும் பேசிக் கொள்ளவே இல்லை என்று கூறப்பட்டது.
‘என் கையில் எதுவும் இல்லை’: 2012- ஆண்டு உடல்நிலை சரியாகி ரசிகா்களை சந்தித்தாா். ‘‘நான் அரசியலுக்கு அப்பாற்பட்டவன். நான் மருத்துவமனையில் இருந்தபோது ரசிகா்களின் பிராா்த்தனைகளை அறிந்தேன். நான் நலம் பெறுவதற்கு இதுவே காரணம். இதற்கு நன்றி சொல்லவே முடியாது. ஏதாவது செய்ய வேண்டும். ஆனால், அது என் கையில் இல்லை’’ என உணா்ச்சிபூா்வமாகப் பேசினாா்.
அரசியலுக்கு வருவது உறுதி: 2017-ஆம் ஆண்டு டிசம்பா் மாதம் ‘நான் அரசியலுக்கு வருவது உறுதி’ என்று தனது ரசிகா்கள் முன்னிலையில் பதிவு செய்த ரஜினி, அதற்குப் பிறகு மீண்டும் வழக்கம்போல அமைதியானாா். இதனால் ரசிகா்கள் மத்தியில் குழப்பங்கள் ஏற்பட்டன. இந்த நிலையில், தனது அரசியல் செயல்பாடு குறித்து அறிவிப்பை வெளியிடப்போவதாக அறிவித்தாா்.
2020 மாா்ச் மாதம் கரோனா பொதுமுடக்கத்துக்கு முன்னா் பத்திரிகையாளா்களை சந்தித்த ரஜினி, ‘‘தமிழகத்தில் அரசியல் புரட்சி ஏற்பட்டால் மட்டுமே நான் அரசியலுக்கு வருவேன். ஆனால் முதல்வா் வேட்பாளராக நான் இருக்க மாட்டேன்’’ என்று தடாலடியாக அறிவித்தாா். இந்த நிலையில், கரோானா நோய்த் தாக்கம் காரணமாகக் கடந்த சில மாதங்களாகவே ரஜினி பொதுவெளியில் வராமலும், அரசியல் குறித்த எந்த அறிவிப்பையும் வெளியிடாமலும் இருந்தாா்.
கடந்த நவம்பா் 30-ஆம் தேதி ரஜினி மக்கள் மன்ற நிா்வாகிகளுடன் கோடம்பாக்கம் ராகவேந்திரா கல்யாண மண்டபத்தில் ஆலோசனை ரஜினி ஆலோசனை நடத்தினாா். தொடா்ந்து, டிசம்பா் 3-ஆம் தேதி அன்று ஜனவரி மாதம் கட்சி தொடங்கப் போவதாக தனது சுட்டுரைப் பக்கத்தில் அறிவித்திருந்தாா்.
கட்சி தொடங்க முடியவில்லை; மன்னியுங்கள்: ஹைதராபாதில் நடந்த ‘அண்ணாத்த’ படப்பிடிப்பில் கலந்து கொண்ட ரஜினி ரத்த அழுத்தம் காரணமாக மருத்துவமனையில் அனுமதிக்கப்பட்டு சிகிச்சை பெற்று வீடு திரும்பினாா். இந்த நிலையில், ‘கட்சி தொடங்க முடியவில்லை, என்னை மன்னியுங்கள்’ என்று டிச. 29-இல்அறிக்கை வெளியிட்டாா்.