பாண்டியன் ஸ்டோர்ஸில் மீனாவாக நடித்து வரும் ஹேமா தனது மகனின் முதல் பிறந்த நாளின் போது எடுக்கப்பட்ட புகைப்படங்களை இன்ஸ்டாகிராம் பக்கத்தில் பகிர்ந்துள்ளார்.
விஜய் தொலைக்காட்சியில் ஒளிபரப்பாகும் பாண்டியன் ஸ்டோர்ஸ் நிகழ்ச்சி மிக பரபரப்பான கட்டத்தை எட்டியுள்ளது. இந்தத் தொடரில் லட்சுமி அம்மாவின் மரணம் ரசிகர்களை மிகுந்த சோகத்தை ஏற்படுத்தியுள்ளது.
லட்சுமி அம்மாவின் மரணமும், அது சார்ந்த காட்சிகளும் என மிகுந்த பரபரப்பாக சென்று வருகிறது. இந்தத் தொடரில் மீனா என்ற வேடத்தில் நடித்து வருபவர் ஹேமா ராஜ்குமார். இவருக்கு கடந்த வருடம் ஆண் குழந்தை பிறந்தது.
மகனுடன் இருக்கும் புகைப்படங்களை அவ்வப்போது இன்ஸ்டாகிராமில் பகிர அது வைரலாகும். இந்த நிலையில் தனது மகனின் பிறந்தநாளின் போது எடுக்கப்பட்ட புகைப்படங்களை பகிர்ந்து, என் மகனுக்கு ஒரு வயதாகிறது. நீ என் வாழ்க்கையை அழகாக்கிவிட்டாய். என்னில் இருக்கும் தாயை, நீ தான் வெளிக்கொண்டு வந்தாய். நான் உன்னை நேசிக்கிறேன் சாத்விக் என்று தெரிவித்துள்ளார். இதனையடுத்து அவருக்கு பிரபலங்களும் ரசிகர்களும் வாழ்த்து தெரிவித்து வருகின்றனர்.