செய்திகள்
கே.எஸ்.ரவிக்குமாரின் 'கூகுள் குட்டப்பா' பாடலை வெளியிட்ட ராஜமௌலி
கே.எஸ்.ரவிக்குமார் நடித்துள்ள கூகுள் குட்டப்பா படத்திலிருந்து யாரோ பாடலை இயக்குநர் ராஜமௌலி பகிர்ந்துள்ளார்.
மலையாளத்தில் வெற்றிபெற்ற ஆண்டிராய்டு குஞ்சப்பன் தமிழில் கூகுள் குட்டப்பன் என்ற பெயரில் உருவாகிவருகிறது. இந்தப் படத்தில் இயக்குநர் கே.எஸ்.ரவிக்குமார் முதன்மை வேடத்தில் நடித்துள்ளார்.
மேலும் யோகி பாபு, பிக்பாஸ் தர்ஷன், லாஸ்லியா உள்ளிட்டோர் முக்கிய வேடங்களில் நடித்துள்ளனர். இயக்குநர்கள் சபரி மற்றும் சரவணன் இந்தப் படத்தை இயக்கியுள்ளனர். மனிதனுக்கும் ரோபோவுக்கும் இடையேயான நட்பை அடிப்படையாகக் கொண்டு இந்தப் படம் உருவாகியுள்ளது.
இந்தப் படத்திலிருந்து ஜிப்ரான் இசையில் யாரோ யாரோ என்ற பாடலை இயக்குநர் ராஜமௌலி தனது ட்விட்டர் பக்கம் வாயிலாக பகிர்ந்துள்ளார். மதன் கார்க்கி எழுதியுள்ள இந்தப் பாடலை அரவிந்த் ஸ்ரீநிவாஸ் பாடியுள்ளார்.