விஜய் டிவி தொடரிலிருந்து திடீரென விலகும் நடிகை - வைரலாகும் இன்ஸ்டாகிராம் பதிவு

விஜய் டிவியின் ராஜா ராணி 2 தொடரிலிருந்து விலகுவதாக நடிகை அர்ச்சனா அறிவித்துள்ளார். 

விஜய் டிவியில் ராஜா ராணி தொடர் ரசிகர்களிடையே மிக பிரபலம். இந்தத் தொடரின் முதல் பாகத்தில் நடித்த சஞ்சீவ் கார்த்திக் - ஆல்யா மானஸா இருவரும் காதலித்து திருமணம் செய்துகொண்டனர். 

முதல் பாகத்தின் பெரும் வெற்றியால் மிகுந்த எதிர்பார்ப்புடன் இரண்டாம் பாகம் ஒளிரப்பாகிவருகிறது. இந்தத் தொடரில் முதல் பாகத்திலிருந்து ஆல்யா மானஸா மட்டும் நடிக்கத் துவங்கினார். ஆனால் சில காரணங்களால் அவர் பாதியில் விலக அவருக்க பதிலாக ரியா விஸ்வநாத் நடிக்கிறார். 

இந்தத் தொடரில் விஜே அர்ச்சனா முக்கிய வேடத்தில் நடித்துவந்தார். ராஜா ராணி 2 தொடர் மூலம் அவரை ஏராளமான ரசிகர்கள் இன்ஸ்டாகிராமில் பின்தொடர்கின்ரனர். இந்த நிலையில் அவர் திடீரென இந்தத் தொடரிலிருந்து விலகுவதாக அறிவித்துள்ளார். 

இதையும் படிக்க | சமந்தாவா, நயன்தாராவா? வைஜயந்தி மாலா, ஸ்ரீதேவி வரிசையில் அடுத்தது யார்?

அவரது பதிவில், வாழ்க்கை நம் எல்லோருக்கும் பை நிறைய ஆச்சரியங்களை ஒழித்துவைத்திருக்கும். இப்போது வாழ்க்கையின் அடுத்தகட்ட திட்டத்தை எதிர்கொள்ள வேண்டிய தருணம். நான் ராஜா ராணி 2 தொடரிலிருந்து விலகுகிறேன். 

இந்தப் பயணத்தில் எனக்கு ஆதரவளித்த ஒட்டுமொத்த குழுவினருக்கும் நன்றி. என் புதிய பயணத்தில் உங்களது ஆதரவு கிடைக்கும் என நம்புகிறேன் என்று குறிப்பிட்டுள்ளார். ஆனால் அவர் எதனால் விலகுகிறார், வேறு என்ன சீரியலில் நடிக்கப்போகிறார் என்பது குறித்து அறிவிக்கவில்லை. இந்த நிலையில் அர்ச்சனாவுக்கு பதிலாக களமிறங்கப்போவது யார் என்ற எதிர்பார்ப்பும் ரசிகர்களிடையே எழுந்துள்ளது.