சாய் பல்லவி - ராணாவின் 'விராட பர்வம்' படத்தின் முதல் 4 நிமிட காட்சி வெளியானது

சாய் பல்லவி - ராணா நடித்துள்ள விராட பர்வம் படத்தின் முதல் 4 நிமிட காட்சி வெளியாகி படத்தின் மீதான எதிர்பார்ப்பை அதிகரித்துள்ளது.

ராணாவுடன் சாய் பல்லவி இணைந்து நடித்துள்ள படம் விராட பர்வம். இந்த படத்தின் டிரெய்லர் ஏற்கனவே வெளியாகி படத்தின் மீதான எதிர்பார்ப்பை அதிகரித்திருந்தது. இந்தப் படம் தெலங்கானா மாநிலம் வாராங்கல் பகுதியில் நடைபெற்ற உண்மை சம்பவத்தை அடிப்படையாகக் கொண்டு உருவாகியுள்ளதாக கூறப்படுகிறது. 

இதையும் படிக்க | இதுதான் நடிகர் விஜய்யின் 'தளபதி 66' படத் தலைப்பா ? ரொம்ப பழசா இருக்கே!

இந்தப் படம் வெண்ணிலா என்ற பெண்ணுக்கு ராவண்ணா என்ற நக்சல் இளைஞர் ஒருவருக்குமிடையே காதலை பேசுவதாக கூறப்படுகிறது.  இந்தப் படத்தில் பிரியாமணி நந்திதா தாஸ், நிவேதா பெத்துராஜ், நந்திதா தாஸ், நவீன் சந்திரா, ஈஸ்வரி ராவ், ராகுல் ராமகிருஷ்ணா உள்ளிட்டோர் முக்கிய வேடங்கலில் நடித்துள்ளனர். இந்தப் படம் நாளை (ஜுன் 17) திரையரங்குகளில் வெளியாகவுள்ளது.

இந்த நிலையில் இந்தப் படத்தின் முதல் 4 நிமிட காட்சி வெளியாகி நல்ல வரவேற்பை பெற்றுவருகிறது. முன்னதாக விஜய் ஆண்டனி நடித்த சைத்தான் படத்தின் முதல் நான்கு நிமிட காட்சி வெளியானது குறிப்பிடத்தக்கது. 

இந்தப் படத்தை ஸ்ரீ லக்ஷ்மி வெங்கடேஸ்வரா சினிமாஸ் மற்றும் சுரேஷ் புரொடக்சன்ஸ் நிறுவனங்கள் தயாரிக்க, உடுகுல வேணு இந்தப்  படத்தை இயக்கியுள்ளார்.