நெல்சன் இயக்கத்தில் விஜய் நடித்துள்ள பீஸ்ட் திரைப்படத்தின் வெளியீட்டுத் தேதியுடன் புதிய போஸ்டர்கள் வெளியாகியுள்ளன.
சன் பிக்சர்ஸ் தயாரிப்பில் நெல்சன் இயக்கி, விஜய் நடித்துள்ள திரைப்படம் பீஸ்ட். பூஜா ஹெக்டே, செல்வராகவன் உள்ளிட்டோர் முக்கியக் கதாபாத்திரத்தில் நடித்துள்ளனர். புதிய கூட்டணி என்பதால் எதிர்பார்ப்பு, பாடல்கள் வெளியாகி ஹிட் அடித்ததால் எழுந்த எதிர்பார்ப்பு என படத்தின் வெளியீட்டுக்காக ரசிகர்கள் மிகுந்த எதிர்பார்ப்புகளுடன் காத்திருக்கின்றனர்.
இதையும் படிக்க | ‘நானே வருவேன்’: புதிய போஸ்டரை வெளியிட்ட படக்குழு
படம் ஏப்ரல் 13-ம் தேதி திரையரங்குகளில் வெளியாகிறது. படத்துக்கு தணிக்கைத் துறை யு/ஏ சான்றிதழ் அளித்துள்ளது.
பாடல் வெளியீட்டு விழா இல்லாததால், படத்தின் டீசர், டிரெய்லர் அறிவிப்பை எதிர்பார்த்து ரசிகர்கள் ஆவலுடன் காத்திருக்கின்றனர்.
இந்த நிலையில், பட வெளியீட்டுத் தேதியுடன் புதிய போஸ்டர்களை தயாரிப்பு நிறுவனம் வெளியிட்டுள்ளது. படம் தமிழ், தெலுங்கு, மலையாளம், கன்னடம், ஹிந்தி என 5 மொழிகளில் வெளியாகவுள்ளதால், 5 மொழிகளிலும் போஸ்டர்கள் வெளியிடப்பட்டுள்ளன.
இதில் நடிகர் விஜய்யின் புதிய கெட்டப் ரசிகர்களுக்கு விருந்தளிக்கும் வகையில் உள்ளதால், சமூக ஊடகங்களில் அவை அதிகளவில் பகிரப்பட்டு வருகின்றன.
