‘வாழும் வரலாறு’: அமிதாப் பச்சனுக்கு முதல்வர் ஸ்டாலின் வாழ்த்து

பாலிவுட் நடிகர் அமிதாப் பச்சன் பிறந்த நாளையொட்டி தமிழக முதல்வர் மு.க.ஸ்டாலின் வாழ்த்து தெரிவித்துள்ளார்.

நடிகர் அமிதாப் பச்சன் இன்று தனது 80ஆவது பிறந்த நாளை கொண்டாடி வருகிறார். இவருக்கு திரையுலகினர், முக்கிய பிரமுகர்கள், ரசிகர்கள் வாழ்த்து தெரிவித்து வருகின்றனர்.

இதையும் படிக்க | ஏன் இதுவரை திருமணம் செய்துகொள்ளவில்லை - நடிகை திரிஷா பதில்

இந்நிலையில், தமிழக முதல்வர் ஸ்டாலின் வெளியிட்ட வாழ்த்துச் செய்தியில்,

‘எண்பது வயதை அடைந்துள்ள வாழும் வரலாறு, இந்தியத் திரையுலகின் மிகப்பெரும் அடையாளச் சின்னமாம் அமிதாப் பச்சனுக்கு பிறந்தநாள் நல்வாழ்த்துகள்.

தங்களது தனிச்சிறப்புமிக்க கலைப்பண்புகள் இனி வரும் காலங்களிலும் இந்தியத் திரையுலகில் செல்வாக்கு செலுத்தி, ரசிகர்களை மேலும் பல பத்தாண்டுகள் தன்வயப்படுத்தி மகிழ்வித்திட வாழ்த்துகிறேன்.” எனத் தெரிவித்துள்ளார்.