லியோ படப்பிடிப்பு தளத்தில் விஜய் நடிக்கும் காட்சிகள் இணையத்தில் கசிந்ததால் படக்குழுவினர் அதிர்ச்சி அடைந்துள்ளனர்.
மாஸ்டர் திரைப்படத்திற்குப் பிறகு நடிகர் விஜய் - இயக்குநர் லோகேஷ் கனகராஜ் கூட்டணியில் உருவாகி வரும் திரைப்படம் லியோ. விக்ரம் வெற்றியைத் தொடர்ந்து இந்தப் படத்தின் மீதான எதிர்பார்ப்பு அதிகரித்துள்ளது.
இதையும் படிக்க | இணையத்தில் வைரலாகும் சூர்யாவின் உடற்பயிற்சி விடியோ!
இந்தப் படத்தில் நடிக்க உள்ளவர்களின் விவரங்கள் வெளியாகி ரசிகர்களிடையே ஆவலை ஏற்படுத்தியுள்ளது. இந்தப் படத்தில் நடிகை த்ரிஷா, ஆக்ஷன் கிங் அர்ஜுன், பிரியா ஆனந்த், சஞ்சய் தத், மிஷ்கின், சாண்டி, மேத்யுவ் தாமஸ், கெளதம் வாசுதேவ் ஆகியோர் நடிக்க உள்ளதாக படக்குழு அறிவித்திருந்தது.
லியோ படக்குழுவினர் படப்பிடிப்பிற்காக தனிவிமானம் மூலம் நடிகர் விஜய், த்ரிஷா, லோகேஷ் கனகராஜ் உள்ளிட்ட 100-க்கும் மேற்பட்டோர் காஷ்மீர் சென்ற விடியோவை தயாரிப்பு நிறுவனம் சமீபத்தில் வெளியிட்டிருந்தது.
இந்நிலையில், காஷ்மீரில் நடிகர் விஜய் நடிக்கும் காட்சிகள் படமாக்கும் பணிகள் தீவிரமடைந்துள்ள நிலையில் அந்தக் காட்சிகள் இணையத்தில் வெளியாகியுள்ளது.
இதனைத் தொடர்ந்து, படக்குழு தரப்பில் படப்பிடிப்பு தளத்தில் எடுக்கப்பட்ட விடியோவை பகிர்ந்தால் முன்னறிவிப்பின்றி நீக்கப்படும் என்று எச்சரிக்கை விடுக்கப்பட்டுள்ளது.
பெரும் எதிர்பார்ப்பை ஏற்படுத்தியுள்ள லியோ படத்தின் காட்சிகள் வெளியாகியுள்ளது பரபரப்பை ஏற்படுத்தியுள்ளது.