ரத்தம் படத்தில் மகிமா நம்பியார் நடனமாடும் விடியோவை படக்குழுவினர் வெளியிட்டுள்ளனர்.
தமிழ்ப்படம் இயக்குநர் சி.எஸ்.அமுதன் இயக்கும் புதிய படத்தில் விஜய் ஆண்டனி நடித்துள்ளார். இப்படத்திற்கு ரத்தம் என பெயரிடப்பட்டுள்ளது. இந்தப் படத்தில் ரம்யா நம்பீசன், மகிமா நம்பியார், நந்திதா ஸ்வேதா ஆகிய 3 நாயகிகள் நடித்துள்ளனர்.
இசை- கண்ணன் நாராயணன். ஒளிப்பதிவு- கோபி அமர்நாத். சண்டைப் பயிற்சி- திலீப் சுப்பராயன். கடந்தாண்டு வெளியான ‘ரத்தம்’ பட டீசரில் சிறப்புத் தோற்றத்தில் இயக்குநர்கள் வெற்றிமாறன், பா.ரஞ்சித், வெங்கட்பிரபு ஆகியோர் இருந்தது குறிப்பிடத்தக்கது.
இப்படத்தின் டிரைலர் சமீபத்தில் வெளியாகி ரசிகர்களின் வரவேற்பை பெற்றது. இப்படம் வரும் அக்டோபர் 6-ஆம் தேதி வெளியாகும் என படக்குழு அறிவித்தது.
ரத்தம் படத்தின் முதல் பாடலான 'ஒரு நாள்' பாடல் வெளியாகி இணையத்தில் டிரெண்டானது.
இதையும் படிக்க: ஏஜிஎஸ் 24: வெளியானது கான்ஜூரிங் கண்ணப்பன் போஸ்டர்!
இந்த நிலையில், மகிமா நம்பியார் நடனமாடும் ஜாலியான முன்னோட்ட விடியோவை படக்குழுவினர் வெளியிட்டுள்ளனர்.