பாலிவுட் நடிகையும் பாஜக வேட்பாளருமான கங்கனா ராணவத், திபெத்திய பெளத்த மதத் தலைவர் 14-வது தலாய் லாமாவை சந்தித்து வாழ்த்து பெற்றார்.
ஹிமாசல பிரதேசம் மாநிலம் மண்டி மக்களவைத் தொகுதியில் பாரதிய ஜனதா கட்சியின் வேட்பாளராக பாலிவுட் நடிகை கங்கனா களமிறங்கியுள்ளார்.
தீவிர பிரசாரத்தில் ஈடுபட்டு வரும் கங்கனா, தர்மசலாவில் உள்ள தலாய் லாமாவை நேரில் சந்தித்து திங்கள்கிழமை வாழ்த்து பெற்றார்.
தலாய் லாமாவை சந்தித்த புகைப்படங்களை எக்ஸ் தளத்தில் பதிவிட்டுள்ள கங்கனா,
“தலாய் லாமாவை சந்தித்தது, என் வாழ்வில் மறக்க முடியாத ஒன்று. ஹிமாசலில் மகிழ்ச்சியாக வசிப்பதாகவும் பாரதத்தை நேசிப்பதாகவும் அவர் தெரிவித்தார்.” என்று பதிவிட்டுள்ளார்.