நம்புங்கள் உண்மைதான் இந்த 4 இடங்களில் கொசுக்களே இல்லை!

கொசுவால் ஏற்படும் பாதிப்புக்கள், உயிர் இழப்புக்கள் சொல்லி மாளாது. மனிதர்களுக்கு சின்னஞ்சிறு உருவத்தில் இருக்கும் கொசுக்களால் என்றுமே தொல்லைதான். எவ்வளவு அழித்தாலும் ஃபீனிக்ஸ் பறவை போன்று புத்துணர்வுடன் புதுப்புது நோயை பரப்ப பெரும் படையுடன் கிளம்பிவிடும் இந்தக் கொசுக் கூட்டணி. சிகா வைரஸ், மலேரியா, டெங்கு  உள்ளிட்ட கொசுக்கடியால் ஏற்படும் நோய்களுக்கு உலகம் முழுவதும் மக்கள் உயிர் இழக்கிறார்கள்.

சிங்கப்பூரில் இந்தக் கொசுக்களை அழிக்க பல நவீன முறைகளை பின்பற்றிவருகிறார்கள். இணையத்தில் கொட்டிக் கிடக்கும் இந்த கொசு ஒழிப்பு முறைகளைப் பார்த்தால் ஆச்சரியம் ஏற்படுகிறது. இது சாத்தியமா என்று பார்ப்பவர்களை வியக்க வைக்கிறது. சிங்கப்பூரில் நல்ல கொசுக்களை உருவாக்கி கெட்ட கொசுக்களை அழிக்கும் முறையை பின்பற்றுகிறார்களாம். இதற்கென தொழில்நுட்பத்தை உருவாக்கி கோடிக்கணக்கில் கொசுக்களை உருவாக்கி அவற்றை அழிக்க களம் இறங்கியுள்ளனர்.

இந்த நல்ல கொசுக்கள் மனிதர்களைக் கடிக்காது.  அவற்றால் இனப்பெறுக்கமும் செய்ய முடியாது. இவற்றை வளர்த்து பின்னர் வெளி உலகத்துக்கு விட்டுவிட்டால் அவை கெட்ட கொசுக்களுடன் சேரும். ஆனால் இனப்பெறுக்கம் செய்ய இயலாத காரணத்தால் அவை தாமே அழிந்துவிடும். சோதனை முறையில் தொடங்கப்பட்ட இந்த முயற்சி வெற்றி பெறுமா என்பதை பொறுத்திருந்து பார்ப்போம் என்கின்றனர் சிங்கப்பூர்வாசிகள்.

உலகமே அஞ்சி நடுங்கும் இந்த கொசுத் தொல்லையிலிருந்து முற்றிலும் விடுதலையான ஊர் எதுவென்றால் அது ஐஸ்லாந்த் மட்டும்தான். காரணம் இங்கு கொசுக்களுக்கு ஏற்ற பருவநிலை இருப்பதில்லை. கொசுக்களின் இனப்பெருக்கத்துக்கு வெப்பமான சூழ்நிலை தேவை. கடும்குளிர் மற்றும் அடிக்கடி மாறும் பருவச் சூழல்கள் கொசு இனப்பெருக்கம் செய்வதற்கு ஏற்றதல்ல என்பதால் இங்கு அறவே கொசுக்கள் இல்லை.  சுற்று வட்டார இடங்களான நார்வே, டென்மார்க்,  க்ரீன்லாண்ட், ஸ்காட்லந்து உள்ளிட்ட நாடுகளில் கூட குறைந்த அளவு கொசுக்கள் உள்ளது. ஆனால் அதிர்ஷ்டவசமாக ஐஸ்லாந்தில் கொசுக்களுக்கு இடமில்லை.

அண்டார்டிகாவைத் தவிர்த்து உலகின் மேலும் மூன்று இடங்களில் கொசுக்களைப் பார்க்கவே முடியாது. அவை நியூ காலோடினா (New Caledonia), ஃப்ரென்ச் பொலினிசியா (French Polynesia) மற்றும் தி சேசெல்லிஸ் (The Seychelles).