குடல் சம்பந்தப்பட்ட கோளாறுகள் நீங்க இது உதவும்

முட்டைக்கோஸ் துவட்டல்

தேவையான பொருட்கள்

முட்டை கோஸ் - கால் கிலோ
தேங்காய் துருவல் - 100 கிராம் 
பெரிய வெங்காயம் - 100 கிராம்
சீரகப் பொடி - 5 கிராம் 
மிளகுப் பொடி - 5 கிராம் 
எலுமிச்சம் பழச்சாறு - 30 மி.லி
மஞ்சள் பொடி - 5 சிட்டிகை

செய்முறை : முதலில் முட்டைக்கோசை நன்றாக கழுவி பொடியாக நறுக்கி அதனுடன் தேங்காய் துருவல் மற்றும் நறுக்கிய வெங்காயத்தையும் சேர்க்கவும். பின்னர் சீரகப் பொடி, மிளகு பொடி, மஞ்சள்த் தூள், எலுமிச்சம் பழச்சாறு அனைத்தையும் கோஸுடன் சேர்த்து ஒன்றாகக் கலந்து நன்கு கிளறி தேவைப்பட்டால் அதனுடன் சிறிதளவு உப்பு சேர்த்து சாப்பிடவும்.

பலன்கள் : இதனை ஒரு வேளை உணவாகவோ அல்லது நாள் முழுவதும் கொஞ்சம் கொஞ்சமாகவோ சாப்பிட்டு வந்தால் குடல் சம்பந்தப்பட்ட கோளாறுகள் அனைத்தும் தீரும். தோல் சுருக்கம் நீங்கி  தோற்றப் பொலிவு தரும்  அற்புதமான கலவை இந்த முட்டைக்கோஸ்  துவட்டல்.

குறிப்பு : அனைத்து காய்களையும், கீரைகளையும் நீராவியில் வேக வைத்து உணவாக சாப்பிட்டு வரவும். பச்சை மிளகாய்க்கு மாற்றாக இஞ்சியையும் வர மிளகாய்க்கு மாற்றாக மிளகையும் பயன்படுத்தவும்.

கோவை பாலா
இயற்கை வாழ்வியல் நல ஆலோசகர்
96557 58609 / Covaibala15@gmail.com