ஜம்மு காஷ்மீரின் முதல்வராக பதவியேற்றார் மெஹபூபா முஃப்தி

ஸ்ரீநகர்: ஜம்மு-காஷ்மீர் மாநிலத்தின் முதல் பெண் முதல்வராக மெஹபூபா முஃப்தி பதவியேற்றுக் கொண்டார்.

ஜம்முவில் உள்ள ராஜ் பவனில் இன்று காலை 11 மணியளவில் மெஹபூபாவுக்கு மாநில ஆளுநர் என்.என். வோரா பதவிப் பிரமாணம் செய்து வைத்தார்.

ஜம்மு-காஷ்மீரின் 13-வது முதல்வர் மெஹபூபா ஆவார். இவருடன், துணை முதல்வராக நிர்மல் சிங்கும் பதவியேற்றுக் கொண்டார்.

இந்தப் பதவியேற்பு விழாவில் மத்திய அமைச்சர்கள் வெங்கய்யா நாயுடு, ஜிதேந்திரா சிங் ஆகியோர் கலந்துகொண்டனர்.