அஸ்ஸாம் மக்களுக்கு இடஒதுக்கீடு: ஆய்வுக்குழு அமைப்பு

அஸ்ஸாம் மாநில சட்டப்பேரவை மற்றும் உள்ளாட்சி அமைப்புகளில் அந்ந மாநில மக்களுக்கு போதிய இடஒதுக்கீடு வழங்குவது குறித்து ஆய்வு செய்வதற்காக உயர்நிலைக் குழு ஒன்றை மத்திய அரசு அமைத்துள்ளது. இதுதொடர்பான அறிவிக்கை கடந்த 5-ஆம் தேதி வெளியிடப்பட்டுள்ளது. மத்திய சுற்றுலாத் துறையின் முன்னாள் செயலாளர் பேஸ்பரூவா தலைமையில் அமைக்கப்பட்டுள்ள இந்தக் குழுவின் ஆய்வறிக்கையை 6 மாதங்களுக்குள் சமர்ப்பிக்க வேண்டும் என்று அறிவுறுத்தப்பட்டுள்ளது.
 கடந்த 1985-ஆம் ஆண்டில் அஸ்ஸாம் மாநில அரசுடன், மத்திய அரசு செய்துகொண்ட ஒப்பந்தத்தில் இடஒதுக்கீடு, கலாசார மேம்பாடு உள்ளிட்ட பல்வேறு வாக்குறுதிகள் இடம்பெற்றன. அதன்படி இடஒதுக்கீடு குறித்து ஆராய்வதற்கான உயர்நிலைக் குழுவை மத்திய உள்துறை அமைச்சகம் அமைத்துள்ளது.