சுடச்சுட

    

    மாற்று அரசியலுக்கு முட்டுக்கட்டையாக இருக்கும் காங்கிரஸ் அழிய வேண்டும்: யோகேந்திர யாதவ்

    By DIN  |   Published on : 20th May 2019 04:02 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    YogendraYadav

     

    பாஜக-வை வெல்ல முடியாத காங்கிரஸ் கட்சி அழிந்து போவது தான் நல்லது என ஸ்வராஜ் இந்தியா கட்சித் தலைவர் யோகேந்திர யாதவ் சாடினார். இதுதொடர்பாக அவர் கூறியிருப்பதாவது:

    எதையும் மிகைப்படுத்தாமல், சற்றும் கோபமடையாமல், எந்த உணர்வுக்கும் இடமளிக்காமல் அனைத்து முக்கியத்துவத்துக்கும் இடமளித்து இதை தெரிவிக்கிறேன், காங்கிரஸ் கட்சி அழிய வேண்டும்.

    இந்த தேர்தலில் நாட்டை காப்பாற்றும் நோக்கத்தோடு பாஜக-வை தடுக்க முடியாமல், மாற்று அரசியலுக்கும் முட்டுக்கட்டையாக இருக்கும் காங்கிரஸ் கட்சிக்கு இந்திய வரலாற்றில் எவ்வித நேர்மறை பங்கும் கிடையாது. பாஜக-விடம் இருந்து நாட்டை காப்பாற்ற காங்கிரஸ் கட்சி தவறிவிட்டது.

    நாட்டின் ஆன்மாவுக்கான தேர்தலாக இது இருந்தது. ஒருமித்த தேசம் என்ற ஒற்றை மந்திரம் இந்த தேர்தலில் பிரதான பணயமாக இருந்தது. அப்படிப்பட்ட தேர்தலில் அரசியலமைப்பின் பாதுகாவலனாக தன்னை வெளிக்காட்டிக்கொள்ளும் காங்கிரஸ் கட்சி, இந்தியா மதசார்ப்பற்ற நாடு என்று கூறி வரும் காங்கிரஸ் கட்சி, பாஜக-வுக்கு எதிராக சரியான சவாலை அளிக்கவில்லை. எனவே அக்கட்சி இனியும் இருப்பதில் எந்த பிரயோஜனமும் இல்லை.

    மாற்று அரசியல் தேவை என்ற தருணத்தில் அதை சாதிக்க எதிர்கட்சியாக இருந்த காங்கிரஸால் இயலவில்லை. சுதந்திரத்துக்குப் பிறகு இந்நாட்டில் காங்கிரஸ் கட்சியின் செயல்பாடுகளை நான் மறுக்கவில்லை. ஆனால், இனியும் அவர்களுக்கு இந்திய அரசியல் வரலாற்றில் இடமில்லை என்று தெரிவித்துள்ளார். 

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai