Enable Javscript for better performance
I don't want to continue as the Chief Minister, Mamata Banerjee- Dinamani

சுடச்சுட

    

    முதல்வராக தொடர விருப்பமில்லை: அவசர கூட்டத்துக்குப் பின் மம்தா பானர்ஜி அறிவிப்பு

    By DIN  |   Published on : 25th May 2019 06:04 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Mamata_Banerjee

     

    முதல்வராகத் தொடர விருப்பமில்லை என்று அவசரக் கூட்டம் தொடங்கும்போதே அறிவித்துவிட்டேன் என்று மேற்கு வங்க முதல்வர் மம்தா பானர்ஜி தெரிவித்துள்ளார்.

    மேற்கு வங்கத்தில் கடும் வன்முறைகளுக்கு இடையே நடைபெற்ற 2019 மக்களவைத் தேர்தல் மற்றும் சட்டப்பேரவை இடைத்தேர்தலில் பாஜக பெரும் வெற்றியைப் பெற்றுள்ளது. கடந்த முறை 2 மக்களவைத் தொகுதிகளில் மட்டுமே வென்றிருந்த பாஜக இம்முறை 18 மக்களவைத் தொகுதிகளைக் கைப்பற்றியுள்ளது. 

    திரிணமூல் காங்கிரஸ் கடந்த முறை 34 தொகுதிகளில் வென்றிருந்தது. ஆனால், இம்முறை 22 இடங்களாக சரிந்தது. அதுமட்டுமல்லாமல் 8 சட்டப்பேரவைத் தொகுதி இடைத்தேர்தலில் 4 இடங்களில் பாஜக வென்றுள்ளது. திரிணமூல் காங்கிரஸ் 3 தொகுதிகளை மட்டுமே தக்க வைத்தது. மேலும் அம்மாநிலத்தில் பாஜக-வின் வாக்கு சதவீதம் 40.25-ஆக அதிகரித்துள்ளது. 

    இந்நிலையில், திரிணமூல் காங்கிரஸ் அவசரக் கூட்டத்துக்கு அக்கட்சித் தலைவரும், மேற்கு வங்க முதல்வருமான மம்தா பானர்ஜி அழைப்பு விடுத்தார். அவரது இல்லத்தில் சனிக்கிழமை மாலை நடைபெற்ற இந்த கூட்டத்துக்குப் பின்னர் செய்தியாளர்களைச் சந்தித்த மம்தா கூறியதாவது:

    மிக நீண்ட தேர்தலாக இது அமைந்திருந்ததால் கடந்த 5 மாதங்களாக பணி செய்வதில் மிகப்பெரிய சிரமம் ஏற்பட்டது. மத்தியப் படைகள் அனைத்தும் எங்களுக்கு எதிராக செயல்பட்டது. அறிவிக்கப்படாத அவசர நிலை ஏற்படுத்தப்பட்டது. வாக்குகளுக்காக ஹிந்து, முஸ்லிம் இடையே பிரிவினை ஏற்படுத்தப்பட்டது.

    இதுகுறித்து எல்லாம் தேர்தல் ஆணையத்திடம் புகார் அளித்தும் அவர்கள் பாஜக மீது எந்த நடவடிக்கையும் எடுக்கவில்லை. இத்தனை தடைகளைக் கடந்தும் எங்களுடைய வாக்கு சதவீதம் அதிகரித்துள்ளது. இதுபோன்ற ஆபத்தான சூழலில் எதுவும் பாவமில்லை. நாங்கள் காங்கிரஸ் போன்று அடிபணியவும் இல்லை.

    எனக்கு முதல்வராகத் தொடர விருப்பமில்லை. இதை கூட்டம் தொடங்கும்போதே கட்சியினரிடையே அறிவித்துவிட்டேன் என்று பேசினார்.  

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai