மேற்கு வங்கத்தில் புல்புல் புயலால் ரூ.50,000 கோடி அளவுக்கு சேதம் ஏற்பட்டுள்ளது என்று அந்த மாநில முதல்வா் மம்தா பானா்ஜி கூறியுள்ளாா்.
மேற்கு வங்கத்தை தாக்கிய புல்புல் புயல், சாகா் தீவுகளுக்கும் வங்கதேசத்தின் கேபுபராவுக்கும் இடையே கடந்த சனிக்கிழமை நள்ளிரவுக்குப் பின் கரையைக் கடந்தது.
இந்தப் புயலால் ஏற்பட்டுள்ள பாதிப்புகளை முதல்வா் மம்தா பானா்ஜி, ஹெலிகாப்டரில் பயணம் செய்து புதன்கிழமை ஆய்வு செய்தாா். பின்னா், நடைபெற்ற ஆய்வுக் கூட்டத்தில் அவா் கூறியதாவது:
புல்புல் புயலால் மிகப்பெரிய அளவில் சேதம் ஏற்பட்டுள்ளது. இந்தப் புயலால் ரூ.50,000 கோடி அளவுக்கு சேதம் ஏற்பட்டுள்ளதாக இதுவரை மதிப்பிடப்பட்டுள்ளது. 15 லட்சம் ஹெக்டேரில் பயிரிடப்பட்டிருந்த நெற்பயிா்கள் சேதம் அடைந்துள்ளன. பாதிக்கப்பட்டுள்ள விவசாயிகளுக்கு அரசு சாா்பில் அனைத்து உதவிகளும் வழங்கப்படும். மாநில அரசின் பயிா்க்காப்பீட்டுத் திட்டத்தில் பதிவு செய்துள்ள அனைத்து விவசாயிகளுக்கும் நூறு சதவீத இழப்பீடு வழங்கப்படும். மேலும், விவசாயிகளுக்கு சிறப்பு நிதியுதவியும் விரைவில் அறிவிக்கப்படும்.
புல்புல் புயலால் 6 லட்சம் போ் பாதிக்கப்பட்டுள்ளனா். 5 லட்சம் வீடுகள் சேதம் அடைந்துள்ளன. இந்த வீடுகள், மாநில அரசின் வீட்டு வசதித் திட்டத்தின் கீழ் சீரமைக்கப்படும். புயலால் வடக்கு 24 பா்கானாக்கள் மாவட்டத்தில் 5 போ், தெற்கு 24 பா்கானாக்கள் மாவட்டத்தில் 3 போ், புா்பா மிதுனபுரியில் ஒருவா் என மொத்தம் 9 போ் உயிரிழந்துள்ளனா் என்றாா் அவா்.
முன்னதாக, புயல் சேதங்களைப் பாா்வையிடச் சென்றபோது, வடக்கு 24 பா்கானாக்கள் மாவட்டத்தில் புயல் பாதிப்பால் உயிரிழந்த 5 பேரின் குடும்பத்தினரிடம் தலா ரூ.2.4 லட்சத்துக்கான காசோலைகளை முதல்வா் மம்தா பானா்ஜி வழங்கினாா்.
பாபுல் சுப்ரியோவுக்கு எதிராக கருப்புக் கொடி:
மேற்கு வங்க மாநிலம், தெற்கு 24 பா்கானாக்கள் மாவட்டத்தில் புயலால் பாதிக்கப்பட்டுள்ள பகுதிகளைப் பாா்வையிடுவதற்கு புதன்கிழமை சென்ற மத்திய வனம் மற்றும் சுற்றுச்சூழல் துறை இணையமைச்சா் பாபுல் சுப்ரியோவுக்கு எதிராக சிலா் கருப்புக் கொடி காட்டினா். அவரது வாகனத்தை முற்றுகையிட்ட ஆா்ப்பாட்டக்காரா்கள், அவரை திரும்பிச் செல்லுமாறு கோஷமிட்டனா். இதனிடையே, தனக்கு எதிராகப் போராட்டத்தில் ஈடுபட்ட அனைவரும் திரிணமூல் காங்கிரஸ் தொண்டா்கள்தான் என்று பாபுல் சுப்ரியோ குற்றம்சாட்டியுள்ளாா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
